Heroi mbetet hero dhe si i tillë nuk mund të harrohet

the_king_george_castriota_scanderbeg_by_eduartineanimacionet-d8dqaxo11

xdggddg

Shkruan: Brilant Gashi

Në kalendar shënon data 17 janar 2016 dhe kjo ditë më kujton edhe heroin tim të madh dhe heroin e të gjithë shqiptarëve me emrin Gjergj Kastrioti .

Ky mbetet heroi ynë dhe tmerri më i madh dhe i vetëm i osmanëve dhe ai që ne mund t’i përulemi . Data 17 janar 1468 ishte një ditë zie për shqiptarët sepse 548 vite më parë e vranë heroin tonë sëmundja e etheve që e la të vdekur heroin tonë të madh kombëtar dhe kështu Arbërisë i’u hoq një hero shumë i madh që ne edhe në ditët e sotme nuk mundemi t’a harrojmë çfarë do që të ndodh .

Jemi me fat që e kemi një hero të tillë të shpatës . Një hero që e lakmojnë të gjithë t’a përvetësojnë por nuk mund t’a bëjnë një gjë të tillë sepse e dinë që ky hero është vetëm i shqiptarëve dhe nuk mund të jetë i askujt tjetër . E kishte mbajtur njëherë e një kohë anën e pushtuesve osman por ai kishte gjakun e pastër të shqiptarit në venat e tij . Nuk mundemi t’a harrojmë kurrë atë , edhe nëse na duhet që t’a harrojmë përgjithmonë , sepse ato që i ka bërë Gjergji për kombin tonë nuk mund të maten me asgjë tjetër që ka në këtë botë .

Edhe në shkrimin tim “Letër Gjergjit , Mbretit të Shqipërisë” edhe në këtë shkrim po e them që ky hero na duhet dhe kemi nevojë për të në këto ditë që jemi duke i kaluar me vështirësi të madhe dhe duam dikë që të na mbrojë përsëri , dhe ai njeri është mbreti ynë , Gjergj Kastrioti . 24 vjet rezistencë për popullin shqiptar sa ishte Gjergji në fronin e Shqipërisë etnike . Ai është njëri ndër komandantët tanë të parë dhe gjithmonë do të jetë kështu sepse kështu e meriton këtë titull ai .

“Lirinë nuk ua solla unë , por e gjeta këtu në mesin tuaj” – kishte thënë njëherë e një kohë ky komandant e mbret i Shqipërisë dhe mbrojtës i Europës plakë .

Sikur të ishte Gjergji këtu t’a shoh se si është katandisur kombi ynë do të bënte gjithçka që ne të kthehemi në Shqipërinë etnike të dikurshme . Plot 548 vite kaluan si një rrufe e madhe tek populli ynë dhe me të vërtet që pas vdekjes tënde o Gjergj , populli u dërmua shumë dhe ishte në një gjendje të keqe , Varfëria ishte kudo dhe për ne nuk kishte më shpëtim derisa kur erdhi Ismail Qemali dhe e largoi pushtuesin shekullor otoman nga Shqipëria .

Edhe pas 548 vitesh ti je në zemrën e çdo shqiptari o Gjergj dhe gjithmonë do të jesh ashtu sa të ketë jetë në këtë tokë . Ti do të jesh i paharruar për popullin tonë shqiptar . Na duhesh shumë në ditët e sotme , por edhe nëse bëhen 1000 vite të tjera , ti do të jesh në zemrat tona përgjithmonë .

Shperndaje ne

The Author

Brilant Gashi

Përgjithmonë Shqiptar ...

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.