I pavdekshmi ynë Aristidh Kola

11231033_128671700805278_1167775110464325643_n

12342574_582804735200631_3031144433704580826_n

Shkruan : Brilant Gashi


Njerëzit në këtë jetë , janë vetëm kalimtar . Por veprat që lënë pas ata janë të pavdekshme dhe nuk mund të harrohen kurrë . Veprat e Aristidh Kolës janë të pavdekshme dhe kurrë nuk mund të harrohen edhe nëse ne dëshirojmë që t’i harrojmë .
 
Arvanitasi i Greqisë që i’a dedikoi jetën e tij atdheut ishte edhe Aristidh Kola , njëri ndër shqiptarët më nacionalistë të kombit tonë dhe të popullit shqiptar në Greqi .
 
Ai lindi në Kaskaveli të Thivës ne Greqinë Qendrore , zonë e cila banohet kryesisht nga arvanitas . Aristidhi , si edhe mijëra e mijëra bashkëkombas të tij , u edukuan me frymën e dashurisë për traditat e të parëve , që trashëgoi kjo pjesë e popullatës shumëkombëshe e Greqisë së sotme që edhe sot e kësaj dite i ka gjurmët e veta aty .
 
Për popullin shqiptar dhe për shqiptarët në Greqi , Aristidh Kola mbetet një dhe i vetmi arvanitas në shekullin XXI , që iu përkushtua frymës kombëtare për arvanitasit ose ndryshe krijuesit e Greqisë së sotme , që qëndronin në tokat e tyre me fustanella të bardha dhe me veshjet e tjera karakteristike kombëtare .
Fustanellën na e përvetësuan grekët , dhe tani ata e përdorin edhe në gardën ushtarake greke .
 
Aristidh Kola pas mbarimit të universitetit, për shumë kohë iu përkushtua traditave kombëtare të arvanitasve në Greqi . Vepra e tij “Arvanitasit dhe prejardhja e grekëve” bëri jehonë të madhe në botën arvanitase por edhe më gjerë .
 
Arvanitasit_dhe_prejardhja_e_grekëve
Libri i lartpërmendur hedh një vështrim folklorik , politik . historik dhe gjuhësor mbi lidhjen e mundshme të arvanitasve me helenët e lashtë dhe synon vërtetimin nëse ‘arvanitasit janë krijuesit e Greqisë së re’ .
Sipas tij arvanitasit , ashtu si helenët e lashtë , shquhen se “brenda tyre ekziston një ballafaqim i barabartë dhe i vazhdueshëm i një progresiviteti dhe konservatorizmi” .
 
Libri ndahet në pesë pjesë në të cilat shpjegohet epoka historike , zbritja e arbëreshëve në Greqi , krahasimi gjuhësor greqisht-shqip , arbëreshët e neohelenizmit , vitet e para të okupacionit turk , si dhe karakteristikat dalluese të arvanitasve .
 
Ekziston një letër e shkruar nga udhëheqësi i Shqipërisë Komuniste , Enver Hoxha për Aristidh Kolën .
 
Enver Hoxha i shkruan Aristidh Kolës më 1983
 
Zoti Aristidh Kola , Athinë
Prita me kënaqësi librin “Arvanitët” që patët mirësinë të ma dërgonin nëpërmjet Ambasadës Shqiptare në Athinë , për çka ju falenderoj nga zemra . Arvanitët , të cilëve u kushtohet libri juaj , janë pjesë e popullit shqiptar , që shumë shekuj përpara , në kushte të veçanta historike , u vendosën në tokën greke , ku gjetën mikpritjen vëllazërore të vendasve dhe me kohë u bënë ndërlidhësit e miqësisë midis popullit grek e popullit shqiptar . Në këtë drejtim , libri juaj , përveç vlerave shkencore dhe historike që ka , i shërben thellimit të kësaj miqësie të lashtë midis dy popujve e vendeve tona me interesin e tyre të përbashkët .
 
Aristidh Kola ka bërë një punë këmbëngulëse për afirmimin e identitetit arvanitas në Greqi . Ai nisi hartimin e fjalorit arvanitas , vepër të cilën nuk arriti ta përfundonte . Aristidh Kola vdiq në vitin 2000 pas një sëmundjeje të rëndë .
Shperndaje ne

The Author

Brilant Gashi

Përgjithmonë Shqiptar ...

1 Comment

Add a Comment
  1. Patriot i math, qe sakrifikoj jeten dhe familien per Atedheun.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.