Më 6 prill 1941 , Gjermania sulmoi Jugosllavinë , kurse më 18 prill 1941 , kapitulloi Jugosllavia . Në prag të Luftës së Prillit dhe gjatë saj ushtria jugosllave vriste popullatën civile si dhe ushtarët që shërbenin në armatën jugosllave .
Shqiptarët e Kosovës dhe të viseve të tjera etnike në parim ishin kundër fashizmit që kishte okupuar Shqipërinë , por ata më shumë urrenin pushtetin jugosllavë që kishte okupuar Kosovën .
Për këtë arsye ata pritën forcat fashiste që pushtuan Jugosllavinë si çlirimtare dhe si shpëtimtare të tyre .
Shqiptarët për shkak të përndjekjeve të pushtetit serb e konsideronin katastrofën e prillit si një alternativë që do të lehtësonte gjendjen e saj , kurse pushtimin fashist si një çlirim nga robëria serbo-madhe që kishte pushtuar trojet shqiptare , për shekuj të tërë dhe nuk i kishte lënë shqiptarëve të Kosovës , asnjë të drejtë njerëzore , çfarëdo ajo e drejtë që të ishte .
Pas shkatërrimit të Jugosllavisë , trojet shqiptare , u ndanë në tri zona okupuese që kryesoheshin nga nazistët , fashistët dhe bullgaro-sllavët . Ato zona ishin të ndara në tri zona okupuese : zona gjermane , zona bullgare dhe zona italiane .
Kjo ishte një specifikë e veçantë , ngase shqiptarët ishin i vetmi popull në Ballkan që gjatë Luftës së Parë Botërore ishte i ndarë në tri shtete : Shqipëri , Bullgari , Serbi .
Pra vetëm shqiptarët në Luftën e Dytë Botërore ishin të ndarë në tri shtete , dy shtete sllave dhe shteti mëmë .
Zona okupuese italiane i’u bashkangjit Shqipërisë në gusht të vitit 1941 . Po ashtu shtetit të ri shqiptar të formuar më 1912 , Shqipërisë i’u bashkangjit edhe qytetet Dibër , Strugë , Kërçovë , Tetovë , Gostivar , po ashtu edhe Ulqini dhe Tivari .
Zonës okupuese bullgare që shtrihej në lindje të Kosovës , përfshinte një pjesë të rrethit të Gjilanit , Vitinë , Kaçanikun , një pjesë të Dardanës , Preshevën , Bujanocin , Kumanovën dhe Shkupin .
Në zonën gjermane të okupimit hynë katër rrethe të trojeve shqiptare që shtriheshin kryesisht në veri të Kosovës : Rethi i Mitrovicës , i Vushtrisë , i Podujevës dhe i Pazarit të Ri .
Ndarja e Kosovës në tri zona okupuese u krye me qëllim që të kënaqeshin si pushtuesit italianë ashtu edhe ata gjermanë dhe bullgarë . Megjithatë , me rastin e ndarjes së zonave , u krijua pakënaqësi , sepse secila nga palët konsideronte se ka marrë më pak territore sesa meritonte .
Pas copëtimit , pushtuesit vendosën administratën e tyre . Në pjesën italiane dhe bullgare u vendos administrata sipas modeit që e kishte në Shqipëri dhe në Bullgari , kurse zona gjermane , vendosi qarqet me rrethe dhe komuna .
