Sot pas ardhjes sime nga shkolla , mora vesh se kishte ndërruar jetë hoxha ynë dhe hoxha i të gjithë Shqiptarisë Mulla Rifat Jashari i cili ka shërbyer për 60 vjet në Xhaminë e Zhegrës si imam dhe që vdiq në moshën 98 vjeçare nga një sëmundje .
Më 10 Mars na u nda nga jeta hoxha ynë i nderuar Mulla Rifat Jashari i cili kishte ndjenja kombëtare dhe unë u gëzova për herë të parë për këtë hoxhë se kishte ndjenja të pastra kombëtare . Hoxhë , Fetar , Atdhedashës dhe një kombëtar dhe fetar i madh . Kombëtar i madh i çështjes kombëtare dhe fetar i fesë islame .
Një gëzim të madh ndjeva kur dëgjova për këtë hoxhë patriot për herë të parë . Kjo ishte sepse ky është hoxha i parë me ndjenja kombëtare dhe që nuk bën fanatizëm fetar dhe përçarje fetare , siç po bëjnë në ditët e sotme disa shqip-folësa të arabizuar .
Ky është ai hoxha që u mësonte tinëz alfabetin shqip fëmijëve para 60 vitet (1955) në Xhaminë e Zhegrës ku ata mësoheshin të faleshin dhe nuk dinin alfabetin shqip . Thoshte hoxha i ndjerë Mulla Rifat Jashari “Kur fëmijët vinin në xhami , tinëz ua mësosha alfabetin shqip” .
Dua të shpreh ngushëllimet më të përzemërta për familjarët e këtij hoxhe dhe të gjithë shqiptarëve të anëve të Gjilanit dhe të Anamoravës . Por jo vetëm të këtyre viseve por të gjitha anëve të Kosovës ku ka shqiptar dhe ku e ndjejmë veten se jemi shqiptar . Për këtë hoxhë patriot i kam vetëm fjalët më të mira .
“Për shkollë mos me i ngu prindërit nuk është haram” , është fjalia që hoxhë Rifat Jashari nga Zhegra e Gjilanit e ka përsëritur që para 60 vjetësh . Ishte viti 1955 , kur në këtë fshat pakkush arsimohej . Djemtë nuk e vazhdonin shkollën përtej klasës se katërt për me “i rujt gjanë” , ndërsa vajzat nuk lejoheshin nga prindërit , për shkak se “në klasën e pestë rriteshin me trup” .
Hoxha ynë i nderuar 98 vjeq , nga Zhegra e Gjilanit thoshte se shkonte shtëpi më shtëpi , për t’i bindur prindërit që t’i lejonin vajzat , të shkonin në shkollë . “Ju thosha prindërve se nëse duhet , edhe zhag kom me i nxjerrë , e në shkollë kanë me shku” .
Me të vërtet shumë në zemër u preka kur i thoshte ai (Hoxha) këto fjalë të mëdhaja : “Unë jam kanë imam dhe kur fëmijët vijshin me mësue mu falë në xhami , tinëz atyne ua msojsha alfabetin shqip dhe letrat e shkrueme shqip i mshefsha në Kuran .”
I vetmi hoxhë që nuk i ka infektuar Serbia dhe Turqia që të jetë argat i të mallkuarit , siç janë sot disa hoxhallarë . Nuk e ka mësuar me kurrfarë fanatizmi fenë islame por e ka mësuar edhe duke pasë një dashuri shumë të madhe për atdheun .
Këto janë fjalët e tij në natën e Vitit të Ri 2016 : “Unë nuk jam kanë në luftë , nuk kam mujt me e kapë pushkën , por për Kosovën jam mundue të kultivoj paqen , tolerancën dhe respektin ndaj njani-tjetrit dhe kam insistu në shkollimin e fëmijëve , se pa shkollë nuk ka as ardhmëri . Sot popullit tim i uroj bashkim të plotë si vllazëni e jo si kojshi .”
Kombit Shqiptar e ka humbur një hoxhë të madh të çështjes kombëtare dhe ai gjithmonë do të jetë në zemrat tona , çfarë do që të ndodh . LAVDI këtij hoxhe patriot . e dërgoftë Zoti në Parajsë .
Shkruan : Brilant Gashi
