Shkruan : Brilant Gashi
Dëshira jonë e përhershme ishte që , trojet shqiptare të shpalleshin të pavarura dhe të kishin pavarsinë e tyre të plotë të gjitha trevat shqiptare , por për fat të keq nuk u bë ashtu . Pasi që më 1913 Konferenca e Londrës , e ndau në pjesë të vogla Shqipërinë etnike dhe kështu nuk u realizua kjo dëshirë e jona .
Kosova jonë gjithmonë ishte nën robërinë serbe dhe gjithmonë ishte kështu gjatë gjithë historisë sonë dhe të popullit tonë , por kjo njëherë e mirë do të ndalonte dhe Kosova do të shpallej e lirë dhe ne do të jetonim në paqe dhe në demokraci . Dëshira jonë ishte që të kemi Republikë dhe këtë kërkesë e bënim edhe nëpërmjet demostratave . Njëra ndër këto demostrata ishte ajo e 11 Marsit të vitit 1981 .
Fuqia e studentëve të Kosovës ishte zbuluar pikërisht më 11 Mars 1981 , ku shpërthyen këto demostrata kundër regjimit fashisoido-serbë dhe kundër robërisë serbe 100 vjecare . Kjo ishte njëra ndër Lëvizjet STUDENTORE më të mëdhaja të bëra ndonjë herë nga populli shqiptar dhe sidomos nga populli shqiptar i Kosovës Dardane .
Studentët e Universitetit të Prishtinës , 35 vite më parë , filluan një protestë në Menzën e Studentëve për të kërkuar kushte më të mira , protestë kjo që ishte edhe shkëndija për demonstratat studentore të pranverës së vitit 1981 , të cilat filluan pikërisht në ditën e sotme 35 vjet më parë me kërkesën kryesore për Kosovën Republikë .
Në kërkesat e demonstruesve të rinj në pranverën e vitit 1981 dominoi parulla “Kosova – Republikë” . Këtë e argumentojnë edhe parullat e tjera , siç ishin : “Kosova e kosovarëve” , “Duam Republikë” , “Republikë kushtetutë , ja me hatër ja me luftë” , “E duam flamurin kombëtar” , “Duam bashkimin e trojeve shqiptare” , e të tjera .
Kjo ishte një lëvizje e madhe studentore me Shqiptar të ardhur nga të gjitha viset e Kosovës dhe kjo ishte njëra ndër demostratat më të fuqishme , që ishin bërë ndonjëherë në Ballkan . Shqiptarët nuk duronin më nën regjimin serb dhe kështu , shpërthyen protesta dhe demostrata të fuqishme .
Më 2 prill 1981 Beogradi shpalli gjendjen e jashtëzakonshme në Kosovë dhe ndërpreu mësimin në shkollat fillore , në ato të mesme dhe në universitet , mbylli konviktet e studentëve dhe të nxënësve në Prishtinë . Masa të njëjta u ndërmorën edhe në komunat e tjera të Kosovës .
Më 2 prill 1981 në Prishtinë tërë ditën kishin vazhduar demonstratat masive të shqiptarëve . Po atë ditë demonstratat u organizuan edhe në Podujevë , në Gjilan , në Vushtrri dhe në Mitrovicë . Më 30 prill vazhduan në Ferizaj , në Viti , Deçan , Istog dhe përsëri vazhduan në Vushtrri dhe në Mitrovicë .
Policia fashiste serbe kundër demostruesve , përdori bomba të gazit lotsjellës , shkpinj gome dhe kamxhik , gazra helmuese kimike , armë zjarri , tanke , helikopterë , autoblinda , aeroplanë luftarak etj .
Këto demostrata ishin një shenjë e madhe për popullin e Kosovës , e cila kishte kërkuar të shpallet Republikë në vete dhe të ishte një shtet demokratik dhe sovran . Demostratat e vitit 1981 janë përpjekjet e para për bërjen e Kosovës shtet sovran , që u arrit më 17 Shkurt 2008 , 9 vjet pas Luftës në Kosovë .
