Nuk jemi vëllezër, Zoti Erdogan!

Vetëm ne, si njohës më të mirë të vetvetes,
mund ta shkruajmë historinë tonë ashtu si duhet.

Fahriu_erdogan_01_2016

 
Fahri_xharra_fjalimi

Nga Fahri Xharra
11 October 2011

A po tregohen Shqiptarët se janë në shkallën e duhur të përgjegjësisë historike ?
 
A na mëson historia e Shqipërisë të kemi kujdes ?
 
A ka dhënë prova Shqipëria e vogël, se ka patriotë të shkëlqyer që i kanë mbrojtur interesat e atdheut ?
 
A ka pasur të pa besë që e kanë goditur me thikë pas shpine?
 
I madhi Kristo Frashëri pyetet : “Po Perandoria Osmane çfarë solli gjatë 500 vjetëve të sundimit osman në Shqipëri?”
 
Si mundet Zoti Erdogan të na thotë: “Ne nuk mund të ju harrojmë juve dhe se ju jeni nipërit dhe vëllezërit tanë”. Ne juve asnjëherë nuk mund t’ju harrojmë për shkak se mes juve ka nipër të Osmanlinjve. Ne kemi vëllezër tanë …në Prishtinë dhe Prizren edhe në Shkup, Manastir, Ohër, Dibër, Tetovë”, thot kryeministri turk.”
 
Për të pasur një vëlla biologjik e dijmë rrugën. Vellau i vërtetë eshtë ai vëlla prej një nëne e prej një babe . Si u bë që tani qenkemi edhe vëllezër ? Pse e gjithë kjo dashuri “vëllazërore” ,pas 5 shekujsh robërie? E pas një shekulli ,pa ju?
 
Si mundi “vëllau “ osman të ndërpres procesin më të rëndësishëm që njeh historia mesjetare e Evropës – krijimin e shtetit kombëtar në Shqipëri ? (K.F) Si mundi “vëllau “ osman të zëvendëson rendin ekonomik shoqëror feudal shqiptar, atëherë të pjekur, me rendin e prapambetur feudal-ushtarak të timareve, të cilin Shqipëria e kishte tejkaluar dy shekuj më parë ?( K.F.)
 
Si mundi “ vëllau “ të pushton “vëllaun” e të shkëpus Shqipërinë për pesë shekuj nga familja evropiane dhe e gozhdoi atë në familjen turke osmaniste, të huaj për Evropën. ? (K.F.) Si mundi “ vëllau “ osman, të mospërfill as arsimin popullor, as lëvizjen kulturore, por u kujdes vetëm për shkolla fetare turqishte. Shkurt, si mundi “vëllau “ osman t`i le për 500 vjet Shqipërinë të prapambetur, të varfër, pa mjete jetese? “( Kristo Frashëri). “Ne nuk mund të ju harrojmë juve dhe se ju jeni nipërit dhe vëllezërit tanë. Gëzimi juaj është gëzimi jonë,dhe shqetësimi juaj është shqetësimi ynë. “ Po na thot Erdogani . Pse mu tani?
 
Si mundi “ vëllau” të na le të ngelur disa shekuj para shekujve ? A pse s`kishim aftësi raciale apo për shkak të rrethanave që na i bëri të jetojmë?
 
E ka ditur “vëllau “ se këtë e shkruante Beogradi dhe nuk reagonte t`i del në mbrojtje “vëllaut”: “Kurse shtypi i Beogradit kabinetet e Beogradit dhe zotërinj ministrat e punëve të jashtme i konsideronin shqiptarët raje të paemër, që banonin në vend të paemër, pa histori, pa letërsi dhe gjuhë letrare, pa tradita, pa poezi, pa të gjitha ato atributet, pra, që njeriun dhe fisin e bëjnë fis njerëzor. “
 
“Vëllau” i shihte ato që i “shihte” serbi? se :“Qysh para disa vitesh, udhëtarët në Shqipëri paskan parë njerëz me bisht, “me bisht të kalit ose të dhisë” dhe këta Bastarde të Tribalëve dhe Skordiskëve antikë, këta Gegë dhe këta Toskë, këta melezë të tipave të ndryshëm antropologjikë, kjo bandë e përçarë në pesëdhjetë dialekte plotësisht të pakuptueshme, bërtet dhe thërret ndër vetë në anarki skëterrëse “. Kur vëllau të ofendohet ,njeriu sa do pak e ngre zërin kundërshtues. Apo, jo?
 
Po me këto fjalë për ne, “ vëllau” pajtohej bile i shtonte edhe fjalët e veta, kur në kancelaritë e Europës flitej nga serbi:
 
“Këta të egjër gjakpirës, këta lëkurëkuq evropiane, intolerantë fetarë deri në ekstrem, te të cilët fjala cub dhe bandit është sinonim për kalorës, këto bisha të egra me fytyre njeriu, ditëve të festave gostiten me miell misri të zier, nuk dinë çka është kripa, kurse për sheqerin mendojnë se është borë. Banojnë nëpër shpella si njerëzit e Neandertalit, jetojnë nëpër kulla të gurit pa dyer, pa dritare dhe pa oxhakë; flenë nën dritën e pishës, të veshur, me pushkë në dorë, kurse para kasolles, kafka e kalit e ngulur në hu është trofe lufte. “
 
E pyes “vëllaun” se a me të vërtetë Me të vërtetë kështu ishim,dhe me këto fjalë serbi i mbushte mendjen Europës: “Shqiptarët e pinë gjakun e nxehtë të viktimave të veta të therura, i prejnë hardhitë, i rrënojnë kullat, zhduken me pasion ndër vete, duke vrarë gratë nga lakmia, kurse kuptimi i dashurisë nuk ekziston te ata dhe fjala dashuri nuk gjendet në gjuhen e tyre. Nevojtore nuk ka në këtë vend, të gjithë janë të ndytë dhe me morra dhe këta vjedhës të kuajve, tradhtarë, banditë, rrenacakë, e tipa të poshtër, që i lëshojnë sytë për toke si qentë para njeriut jetojnë në retë e tymit, tifos, malaries, lisë, dizenterisë dhe sëmundjeve venerike”.
 
Po apo jo? Nëse ishim ,pse na lije ne kete gjendje,o “vëlla”? Nëse jo, pse s`e kapshe serbin për fyti atëherë dhe t`i dilshe “vellaut “ në mbrojtje.
 
Vështirë është të jesh vëllau i ynë. Ne, nuk të pranojmë. Nuk je vëllu i ynë bilogjik.
 
Ishe dikur armiku i ynë ( 500 vjet) dha tani shtiresh si mik. Si mik po, por si të besojmë?
 
Nëse nga të tanët të dualen pashallarët , azemat e sadriazemat,edhe serbit i kemi dhënë,krajla e misitra; edhe grekut i kemi pruar lirinë ,i kemi dhënë bijtë tanë për t`a udhequr. Por as Serbin e as Grekun nuk e kemi Vëlla. E atëherë pse turku të jetë vëllau i ynë?
 
Dashuria e vonuar. Është dashuri e vonuar, por edhe e dyshimtë.
 
“Vëlla” i dashur, kur serbi i zbrazëte tokat tona,ti ia lehtësoje punën duke na përgatitur
 
letrat,duke na siguruar bartjen ,duke na e gjetur token në shkretëtirat e Azisë,dhe hiq s`të vinte keq për ne. Gëzoheshe ,bile edhe shumë, se me një të rame i kishe dy të vrame. E doje token e ‘vëllaut” tënd ,të mbushej me sllavë , e doje mbushjen e Anadollit me ne.
 
Kur Rankoviqi na bartëte andej e këndej ,na çkombëtaronte ,në dhunonte,ty “vëlla” ,zëri s`të ndihej?
 
Kur Millosheviqi na i mbyllte shkollat ,na burgoste,na shnjerëzonte, na… ,ty s`të shihshim, O “vëlla” ? Ku ishe, pse mshifeshe, pse s`folshe ?
 
Kur Gjeneral Jankoviqi ,në vitet e 12-13 –ta të shekullit të kaluar ,iu futëte bajonetat grave tona shtatëzëna që kurrë mos të lindin “nipat” tu, t`i s`bëzeje? Kur Kral Nikolla,i bënte krimet mbi shqiptarët e Malësisë së Shkodrës, edhe atëherë i mbyllje sytë e veshët ? Pse?
 
Kur u bë “Lidhja e Prizrenit” dhe e shihje veten në shkapërderdhje ,pse ishe aq i pazhurmshëm karshi botës e aq katil me” vëllaun” tënd ? E, në Gjakovë e dërgove Magjarr Pashën,për të shuar Lidhjen e Gjakovës. Kur i shihje planet e asaj kohe për copëtimin e tokave të “vëllaut” tënd,pse nuk të dhimbëseshim? Pse fshiheshe mbas kuleve të hanumeve dhe bëheshe se sikur nuk po ndodhë asgjë ?
 
Mos o “vëlla” se ke shumë gjynahe me ne, se zoti të cilit ti i beson dhe ti i falesh nuk t`i harron!
 
Kur me qindra shkolla serbe, greke, turke gjatë kohës së “vëllaznimit” me ty hapeshin në Shqipëri, si s`të biente ndërmend të hapësh bile një në gjuhën tanë ? Pse aq shumë i frikoheshe shkollimit tanë? Shumë mirë e dije që na ishim dhe jemi populli më i vjetër i kësaj ane,por ty s`të pëlqente kjo, doje me çdo kusht të na zhbëje. Pse?
 
Ju e dinit mirë që krahas shkombëtarizimit, asimilimit dhe shuarjes së popujve të padëgjueshëm të preken edhe qendrat nervore ku rrënohej intelekti i ynë dhe shkaktohen çrregullime mendore dhe shpirtërore që barten brez pas brezi.
Fahri_xharra_fjalimi

Fahri Xharra,11 October 2011
Gjakovë

Shperndaje ne

The Author

Fahri Xharra

3 Comments

Add a Comment
  1. Jam pa koment me kete pershkrim pajtoj me pike e me prese respekt per doreshkruesin dhe jam i ketij mendimi qe qdohere te thuhen gjerat shkurt e shqip si themi ne troq e jo te ulim koken se gjynahi nuk ka vend askund e te jemi krenar brez pas brezi per gjakun qe kemi e raca qe jemi.

  2. artikull shum i goditur dhe shum i vertet por per fat te keq ne gjithmon nuk e kemi kuptuar qe halldupet osman shtiren si miq por thjesht na terheqin prej hunde dhe bejn interesat e tyre esht e pa kuptushme qe sot ne 2016 ka mjaft njerez qe harrojn gjakun e te parve qe cdo pellamb toke e pagun me gjane ma te shtrenjt JETEN.harrojn qe kta qe sot hiqen si vllezer per 5 shekuj na vrane na pren na mohuan gjuhen dogjen e shkatrruan cdo gje ne shqip si mund te harrosh qe sulltan mehmeti ne te vetmin rast qe foli para te tjerve tha qe shqiptaret duhen shfarosur si race nga i madhi e deri tek ma i vogli zakonisht tregohej i matur me fjalet por me ne tregoi natyren e vertet osmane dhe dihet cndodhi kur rrethoi krujen dhe na la ballabanin por ateher kishte nje GJERGJ qe e ndalte ndersa sot kemi shum ballaban.te harrosh qe ne 5 shekuj vetem ne luftonim kunder tyre duke bere kryengritje te vazhdueshme per te drejtat tona sepse na mohohej cdo gje,dhe kjo sme duket pune vllezrish.dhe cila ka qene pergjigja e miqve ekspeditat ndershkuese qe mbysnin me gjak cdo perpjekje te shqiptarve per te folur gjuhen e tyre ne trojet e veta,si mund ti thuash vlla turgut pashes qe me aq dashuri vllazrore shtypi LIDHJEN E PRIZRENIT dhe vllerzit vran e masakruan tan KOSOVEN gryka e KACANIKUT oshetin akoma sot.te harrosh marveshjet turqi-greqi dhe turqi-serbi per shpernguljen e shqiptarve nga toka e tyre dhe vendosja ne anadoll kto dokumenta jane tashme ne internet mund ti shohin te gjith por shumices nuk i intereson se shikojn vetem interesin personal por duke dale perkrah ketyre vllezerve nuk e kuptojn cfare njolle turpi i vene vetes .me siguri nga parajsa edhe GJERGJ KASTRIOTI I MADH do te jet ba pishman qe me qendresen e tij beri te njohur shqiptaret ne te gjith boten sepse kta sahanlepires sot po fusin nen dhe cdo gje qe ka karakterizuar shqiptaret nder shekuj

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.