Jeta për Atdheun (shkrimi #1)Thoshte i madhi Hasan Prishtina , ky njeri që për bashkimin kombëtar ka kontribuar shumë : “Dy duar për kokën dhe Koka për atdheun “. I duhen truri dhe mendja këtij populli nëse dëshiron sa më shpejtë bashkimin e shenjtë kombëtar , ku çdo shqiptar e pret . Por vetëm një gjë i them këtij populli të dashur . Nuk mund të bëhet bashkimi kombëtar , nëse , vetëm qëndrojmë “badihava” .
Në këtë mënyrë si bëjmë ne , është pothuajse e pamundur , që të arrihet një bashkim i mundshëm kombëtar . Puna e madhe dhe puna e palodhshme mund të jetë një tjetër faktor kryesor , që bashkimi kombëtar duhet të bëhet .
Kur familja është në rregull , patjetër se edhe vatani dhe atdheu janë të shëndosh , por nëse familja nuk është e shëndosh , atëherë do të ndodh , komplet e kundërta .
Ky është shkrimi i parë që bëj sa i përket kapitullit të ri me titullin “Jeta për atdheun” . Një kapitull që me vet-dëshirën time dua t’a graviroj dhe ta shkruaj .
Ka më shumë se një milion mënyra se si mund të jetë atdheu i shëndosh dhe që në të ardhmen do të ketë shumë , shumë suksese dhe ne do të ndihemi krenar , që atdheu e ka arritur këtë sukses , sepse atdheu është feja dhe nëna jonë .
Ndërgjegja e tepërt , të detyronte , që ti të kapësh lapsin dhe të shkruash , disa fjalë që për këtë atdhe dhe këtë popull do të jenë me një kuptim të plotë , fjalë që i kam nxjerrë nga thellësia e zemrës dhe zemra (si organi më i rëndësishëm jetësor) dëshiron t’i nxjerrë nga jashtë . Ndryshe kjo është Fuqia e fjalës për Atdhe .
E dëshirojmë atdheun e shëndoshë , atëherë duhet të fillojmë që të punojmë për të , në të mirën e atdheut dhe jo në të keqen e tij apo në dëm të tij , sepse kur të vdesim do të na dënoj perëndia , prandaj duhet që të pendohemi tani , para se të jetë tepër vonë dhe të fillojmë të punojmë , të punojmë për veten tonë , për familje dhe sidomos për atdhe .
Thoshte artisti i madh botëror Charli Chaplin : “Një ditë pa të qeshura është një ditë e shpenzuar kotë . Unë dua t’a rifrazojë këtë thënie kështu : “Një ditë pa punuar , është një dëm më shumë për atdheun.”
Heronjët që kanë rënë për lirinë e këtij vendi , kanë rënë që kjo rini e tashme , t’a ndërtojë siç është më së miri atdheun dhe jo t’a shkatërroj atë në shumë mënyra të këqija . Por përkundrazi !
Puna për atdheun e mbush me jetë atë , e mbush me hare dhe gëzim popullin tonë të lashtë . E kundërta ka për të ndodhur , nëse do të shkatërrohej , do të vidhej , do të përçmohej atdheu i të gjithë popujve , të themi edhe për popullin tonë shqiptar .
Atdheu është si lulja . Lulja duhet të ujitet për të mos u vyshkur . Edhe ne duhet të punojmë për atdheun , përndryshe atdheu dhe populli ynë do të vdesin dhe nuk do të mbetet asnjë shenjë , që kemi ekzistuaar ne si popull , të jetuarit e tij .
Prandaj ky popull nuk duhet të lejojë vdekjen e atdheut të tyre sepse kështu do të shkruhej në histori se populli është “shkaktari” për vdekjen e atdheun të tyre . Kjo do të ishte shumë fatale për popullin tonë , që është sa i madh se sa jeta .
Brilant GASHI
