Errësira në popullin tim

luftashqiptare01

11811570_537716746376097_2058587429534981199_nJeta për Atdheun (shkrimi #6)
 
O zot , mos lejo që në kohë të sprovave të mëdha dhe të jashtëzakonshme ta humb durimin dhe guximin , e mbi të gjitha mos lejo ta humb drejtpeshimin …” – i thoshte vetes At Gjon Nikollë Kazazi (1702-1752) i Gjakovës , në shënimet e tij .
 
Ti mund t’a sjellësh dashurinë , që ke për kombin tënd dhe të tjerët , munden që t’a sjellin tradhëtinë e tyre ndaj atdheut tënd . Unë do të sillja ndihmë dhe kontribut për kombin tim dhe të tjerët , ata do të sillnin errësirën e tyre tek populli . Unë dëshiroj , që të kem një dashuri të pastër për atdheun , por errësira e tjerëve , nuk më lejon .
 
Unë mund të jap gjithçka për atdheun tim , dhe gjithçka që kam do t’a jepja vetëm për të mirën e këtij populli dhe kombit tim . Nuk do të kisha hezituar fare , edhe t’a jepja jetën për kombin shqiptar , për bashkimin kombëtar , por errësira e tjerëve , nuk më lejon .
 
Doni të dini se cila është ajo errësirë , që nuk më lejon , që t’i bëj këto gjëra , që për atdheun do të ishin heroizëm dhe për popullin do të ishin krenari ?
Ajo është errësira e atyre , që nuk e duan kombin dhe bashkimin e trojeve shqiptare në një trung , në një gjuhë dhe në një flamur të pandarë . Errësira e tradhëtarëve .
 
Brenda çdo shqiptari patriot dhe sidomos brenda vetes time , më djeg kjo gjë që po ndodh në popullin tim , disa re të zeza janë duke qëndruar në trojet shqiptare dhe ato re të zeza , janë të tradhëtarëve , që kanë vërshuar dhe po vërshojnë tokën tonë shqiptare . Disa mund të thonë se mendimi im është i gabuar , por mendoj se ata , që shprehen me këtë mendim tek unë , janë pikërisht mbështetës të tradhëtisë .
 
Ata që kanë bërë projektin për “kombin kosovar” , besoj që janë rreziku më i madh që është duke u krijuar në trojet etnike dhe ky projekt po mbështetet nga shumë tradhëtarë dhe sidomos nga armiku , e që kryesisht janë politikanët . Kjo është errësira tek populli im . Errësira për krijimin e “kombit kosovar” . Dhe disa analistë tru-shkulur po bëjnë të mundur , të realizohet ideja për krijimin e këtij “kombi” .
 
Populli im nuk duhet të ketë më errësirë , por ja që një errësirë e ka kapur këtë popull . Një errësirë , që ushqehet me fjalët e tradhëtarëve dhe mbështetësve të tyre . Errësira e ka kapluar popullin e gabuar dhe dua të them për kombin shqiptar .
 
Fillimi i vendosjes së fesë para kombit nga populli , “vëllazëria” mes popullit tonë dhe armiqëve të ardhur nga shkretëtirat , janë shkaktarët kryesor për këtë errësirë .
 
Jeta e këtij kombi është dhe ka qenë e mbushur me histori të mëdha sa i përket nesh , kemi qenë gjithmonë trima , kemi pasur gjithmonë suksese në betejat ndaj armiqëve . Por në anën tjetër , kemi përjetuar mjaft të këqija nga armiqët tanë , masakrime e dhunë , por pse jo (kemi përjetuar të këqija) nga vetvetja jonë .
 
Gjatë tërë historisë sonë , jemi kapluar nga errësira shekullore e armiqëve dhe në të njëjtën kohë edhe nga errësira e popullit tonë .
 
Në këto kohëra të errëta , ne kemi bërë ç’mos që t’a heqim këtë errësirë nga qielli dhe toka jonë e madhe , në histori e kemi hequr me mundime të mëdha këtë errësirë të armikut . Por tani , errësirën po e shkaktojmë pikërisht nga zemra dhe vetja jonë .
 
Në jetë kam mësuar (po flas në emër të popullit) se errësira e armikut , disi mund të hiqet , por kur vetja jonë e shkakton errësirën , nuk mund të hiqet assesi . Këtë e kam mësuar si fakt i asaj që me të vërtet po ndodh te ky popull .
 
Ky komb e ky popull mundohet , që të heqë errësirën , që e kanë krijuar vet . Por me të vërtet , për shumicën ose pakicën e popullit është e pamundur .
 

Brilant GASHI

Shperndaje ne

The Author

Brilant Gashi

Përgjithmonë Shqiptar ...

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.