Si zogj qyqeje jem’ shpërndarë
Ndërmjet veti kemi hy’ n’ garë
E po i themi t’zezës e bardhë
K’shtu n’këtë gjendje vetë kem’ ardhë
Vëllai me vëlla po jemi brisk
S’e ndihmojmë kur e ka pisk
Sa për Flamur kuqezi
Besa, po kem’ bë marri
N’vend të Shqipes dykrenare
Kem’ vendosë një shenjë kurrëfare
Një Flamur me disa lara
Kur ta shoh fare s’shoh para
Aspak s’ jemi solidarë
Me të keqin hyjmë në garë
N’vend se t’punojmë punë të mira
Bëjmë veç leqe e vepra t’pshtira
Harrojmë krejt se është një Zot
Andaj jetën e çojmë kot!
Shoqi shojt ia nxjerrim sytë
Të dëlirën e bëjmë t’ ndytë.
E dëshmor’t i kem’ harrue
Se gjer n’fyt jem’ korruptue
Po qe besa duke vjedhë
Vetë këtë gjendje e kem’ sjellë
Po e korrim, çfarë kem’ mbjellë!