ATDHEU…
Ti Atdhe i shtrenjtë
I dashur sa më s’ka
Dashuri mbi dashuritë
Të duam pa ia nda
Ty të doli zot
Skënderbeu trim
E Adem Jashari
Heronj t’popullit tim
Me shekuj qëndrove
N’stuhi dhe rrebeshe
Për armiq të shumtë
Shpesh armët i ngjeshe
Atdhe më je i dashur
I Shqipes je çerdhe
Prej gjakut t’dëshmorëve
Liri mirë se erdhe
Sa hije t’ka gjaku
Në t’flamurit fushë
Shqipe dykrenare
Të puth sy dhe gushë
T’ka simbol lirie
Kudo çdo shqiptar
Valo i lirë flamur
Me ty jem krenarë
Poezi: Zymer Mehani
