FLUTURONI…
O vargjet e mia të freskëta
Shkoni, udhëtoni fluturim
Nëpër viset e atdheut kaloni
”Shumë i shtrenjtë je ti kombi im”
O fjalët e mia të flakta
Të ngrohta o vargjet e mia
Nëpër atdheun tim kaloni
”Shumë e shtrenjtë është Shqipëria ”
Shkoni, në vrap, mos u ndalni
Të nxehta o vargjet e mia
Tregoni ngado që kaloni
”Shumë e shtrenjtë është shqiptaria”
Me re fluturoni pa u ndalë
Me dritë me avull ngadalë
As e shihni o vargje të zjarrta
”Atdheu cep më cep me lapidarë”
