TË RISHIKOHET PADREJTËSIA!

TË RISHIKOHET PADREJTËSIA!

Shkruan Avdi Ibrahimi

O, ti njeri i padrejtë! Mos harro, se ne nuk do të heqim dorë nga fatet e atdheut Shqipëria, faik_konica_heroizmiShqipëria e përjetshme, gjersa të egzistojë bota, ne nuk heqim dorë së punuari për liri dhe bashkim mbarkombëtar! T’’i botë e padrejtë që na konsideron si viktimë e pazareve për interesat tuaja! A e keni peshuar mire viktimën! A e keni peshuar dhe menduar mire këtë padrejtësi politike e historike që po i bënë botës shqiptare! A mund ta mbani përjetësisht këtë popull ndër më të lashtit në Europë të ndarë nga nëna SHQIPËRI! A i përgjigjët kjo dinakërisë dhe fuqisë suaj? A mendoni se sa është e dobishme kjo ndarje tërësisht e padrejtë! A e keni menduar ndonjëherë se sa është kjo punë e mençur apo budallallëk! A e din t’i botë e padrejtë, se fatkeqësia e popullit shqiptarë, do të bjerë si fatkeqësi edhe për ju përderisa kontribuni për ta mbajtur të ndarë nënën nga bijtë dhe bijat e sajë. Këtu nuk mund të ketë dashuri, madje as respekt nuk mund të ketë, përkundrazi ka vetëm neveri, përbuzje, urrejtje. Çfarë të bëjmë atëherë? Atëherë del se duhet të jemi të kjartë, duhet të rishikohet padrejtësia e të vëhet në vendë drejtësia. A është mabse më mire kështu? A kupton, mbase e kuptoni se çka do të thotë padrejtësia shekullore që keni bërë në kurriz të popullit shqiptar fytyrë gjakosur dhe shpirtë sakatosur? A kupton se padrejtësia për ta ndarë Kosovën dhe trojet tjera shqiptare nga nëna Shqipëri, është e njetë si ajo e konferencave të Londrës dhe Berlinit, ku mizorisht përgjakët dhe ndatë me thikën e kirurgut SHQIPËRINË, në vend se ta korrigjoni këtë padrejtësi, ju sot vazhdoni me avazin e vjetër por me një skenar paksa më të kamufluar, kjo politik padrejtësie e së tanishmës del edhe më neveritëse, më e poshtër mu pse ju, përsëri po i kënaqni apetitet e sëmura të fqinjëve tanë grabitqar e pushtues tokash shqiptare, megjithkëtë ju mashtroni kinse tani shqiptarët në mbarë hapsirat e tyre kanë një jetë më të bukur dhe më konfore, por thënë shkurt e shqip ne duam dhe mundemi natyrisht edhe me ndihmën tuaj të sinqertë të jemi popull i lire dhe i bashkuar! E shtrenjtë është Shqipëria e shqiptaria, e shtrenjtë është kjo liri e të vetëvendosurit! Kjo jetë e ndarë është e padurueshme! Sa pikëllime kaloi populli shqiptar, sa dëshpërime, sa mallkime, sa lot të fshehur nga bota derdhi ky popull, nga plaqkitjet e krimet e pushtuesve të ndryshëm të cilët asnjë here gjatë histories nuk u ndëshkuan.
E nëna, natyrisht që nuk ndihet mire është e brengosur dhe e paqetë, ajo po mundohet që të gjithë shqiptarët kudo ndodhën, t’i shohë mire, t’i shohë të bashkuar, vetëm të bashkuar jemi të dobishëm për shoqërinë mbarshqiptare, për vetën tone, por ky bashkim është edhe në të mire të fqinjëve zullumqar, po edhe për miqtë ndërkombëtar. Sepse këtu duhet bërë diç menjëherë, me ngut, me alarm, a kupton këtë? E ç’po bëni ju tani? bashkë me servilët vendorë po ruani ndarjen e shqiptarisë, ju e ruani këtë ndasi fatkeqe dhe të tmerrshme në kurriz të një populli, po e ruani për llogarin e interesat e shteteve tuaja dhe fqinjëve e politikanëve tanë debill e matrapaz, por kjo ruajtje e panatyrshme po i sjell dëme kolosale dhe fatkeqësi të reja në Gadishullin e Ballkanit shqiptarisë.
Në fund të fundit i tërë ky shqetësim imi dhe i bashkëkombasve të mi, nuk është diçka e re, nuk është diçka e panjohur për ju, por janë shqetësime të ligjshme qysh nga e kaluara, e tanishmja e dhimbshme dhe e kahershme do të jetë deri në lirin e Bashkimin Kombëar Shqiptar. Kaherë ky shqetësim kishte qenë për pararendësit tanë shqiptar-iliro-pellazgë të cilët jetuan fytyrë përgjakur dhe shpirtë sakatosur. I tërë ky pikëllim kaherë kish lindur në zemrat e gjithë atyre heronjëve, dëshmorëve, martirëve e atdhetarëve rilindas shqiptar e deri të kjo e tanishmja heroike e komandantit legjendar të UÇK-së Adem Jasharit, me bashkëluftëtarët e tij, ky zjarr i lirisë i rritur nëpër shekujt e përflakur kaloi nga brezi në brez është mbledhur, është pjekur, është kristalizuar në formën e dashurisë atdhetare duke i bashkuar zemrat, duke i bashkuar mendjet e ndritura shqiptare, duke kërkuar me këmbëngulje zgjidhje pilitike, për të punuar, për të dashuruar e jetuar të lire të bashkuar në mbarë hapsirat shqiptare, kjo është e drejtë e ligjshme që populli shqiptar të punoj e jetoj i lumtur në trojet e veta sikundër jetojnë të gjithë popujt tjerë të Europës. Këtë lumturi bashkimi mbase e meritojmë.

Shperndaje ne
Updated: 19 Janar, 2015 — 11:01

The Author

Avdi Ibrahimi

Autori ish- Z.kom i Brigadës 128. ZOP

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.