Eci si një hije nëpër vite e shekuj
eci nëpër hartën tonë të vjetër,
gjurmoj thellë në trojet e mija
aty ku me gjak është shkruar historia!
Aty ku ndër shekuj u fol gjuha shqipe!
Aty ku shqiponjat ndërtuan fole!
Aty ku në djep u masakruan fëmija
aty ku u pagua shumë shtrenjtë Liria!
Eci nëpër shekujt e larë me gjak!
Aty ku gjyshja u bë nuse me duvak,
nga Molla e Kuqe e deri në Çamëri
gjeta të masakruar pleq e fëmijë!
Shkova dalëngadalë andej nga Ilirida
me dhembje në zemër andej unë shetita,
u ndala të pushoj aty buzë Vardarit
uji i tij ma kujtoi gjakun e Tivarit!
Shëtita gjithandej nëpër trojet tona,
ku trimat tanë luftuan si shqiponja!
Shqipëria ngjante në një lule kurorë,
rreze drite merrte nga secili dëshmorë!
Shumë plagë gjeta nëpër trojet tona!
Aty ku me krenari sot fluturon shqiponja!
Sa i pastër është trolli ynë shqiptarë,
ndër shekuj me gjak ajo tokë është larë!
E përgjysmuar është për ne Liria!
Sërish është e ndarë e jona Shqipëria!
Vallë edhe sa gjak duhet në këtë jetë?
Ta bashkojmë Atdheun vetëm në një shtet!