Dil e piqu n’Haxhi Zekën

Shkruan : Brilant Gashi

Nëna dhe fëmijët e humbur (shkrimi #13)
 
Çfarë do të thotë t’i shërbesh atdheut ? Shumë herë i’a kam bërë vetes këtë pyetje . Akoma nuk e kam gjetur përgjigjen e kësaj pyetjeje shumë domethënëse . Nuk duhet që t’a zhgënjej atdheun tim dhe duhet që t’a gjej përgjigjen e kësaj pyetjeje të madhe .
 
Misioni im është për të ndriçuar të vërtetën shqiptare dhe të shkruaj për heronjët tanë më të mëdhenj kombëtar dhe për ata heronjë që shumë rrallë përmenden në historinë tonë kombëtare . Nëse misioni im është për të shkruar për heronjët kombëtar , atëherë këtë shkrim , i’a kam kushtuar me gjithë zemër atdhetarit të madh Haxhi Zeka .
 
Nëna Shqipëri e lindi këtë trim shqiptar më 20 dhjetor 1832 dhe në këtë ditë të bekuar edhe nëna Shqipëri e dinte se ky njeri i madh do t’i shërbente atdheut në mënyrat e tij të veta . Ka shumë mënyra se si njerëzit mund t’i shërbenin atdheut të tyre . Por të gjitha mënyrat si të këqija , si të mira , janë në të mirë të atdheut . Ajo që dua të them është se atdheu është gjithçka për ne . Atdheu ishte gjithçka për Haxhi Zekën !
 
Haxhi Zeka është një udhëheqës i shquar i Lëvizjes Kombëtare Shqiptare gjithashtu edhe një luftëtar dhe organizator i kryengritjeve popullore anti-osmane në Shqipërinë Veriore (Kosovë) . Djali i Mehmet Abedinit dhe Zelfije Doçit .
 
Ky është njëri ndër heronjët më të mëdhenjë të kombit shqiptar dhe ka dhënë më të mirën e tij dhe mbi të gjitha ka dhënë jetën e tij për mëmëdheun . Trimi ishte një organizatorë i Lëvizjes Shqiptare të Prizrenit të 10 qershorit të vitti 1878 .
 
Dua t’i them popullit shqiptar se ky ishte njëri ndër luftëtarët më të vendosur për autonominë e Shqipërisë dhe mbrojtësi i tërësisë territoriale të saj . Mori pjesë si , komandant ushtarak , në krye të forcave të Lidhjes Shqiptare në aksionin e Gjakovës , në shtator të vitit 1878 kundër Mehmet Ali Pashës .
 
Duke lexuar biografinë dhe historinë e tij dhe duke zbuluar të vërtetat dhe vendosmërinë e tij për bashkim kombëtar , ëndërra e Haxhi Zekës gradualisht u bë edhe ëndërra ime sepse thellë në zemër e ndjeja se isha gati , që të vdisja për atdheun e quajtur Shqipëri . Edhe pas shumë luftërave dhe mundit tonë për t’i bashkuar tokat tona në një shtet , edhe pse i vdekur e ndjej se dhimbja e Haxhi Zekës është shumë e madhe se sa dhimbja ime .
 
Haxhi Zeka më 1884-1885 udhëhoqi kryengritjet anti-osmane të shqiptarëve të Kosovës , që synonin t’i vinin në jetë idetë e tyre autonomiste . Dhe më 1893 bashkë me shqiptarin e madh Bajram Currin organizuan një kryengritje të fuqishme e cila përfshiu shumë vise shqiptare të Kosovës kundër dhunës osmane .
 
Ky trim i madh shqiptar e rrezikoi jetën e tij për atdheun , sa që më 1893 u thirr në Stamboll ku u mbajt i arrestuar deri në vitin 1896 . Osmanët i frikësoheshin vepirmtarisë së tij të madhe kombëtare dhe kjo frikë i shtyu ata , që bacën Haxhi Zeka t’a arrestonin .
 
Pas lirimit nga burgu osman , më 1896 (fillon aktivitetin e tij kombëtar) , u vu si një shqiptar i vërtet , në krye të luftës së popullit shqiptar dhe mbrojtjen e tërësisë territoriale të vendit dhe bashkimit të trojeve shqiptare .
 
Për të vërtetuar punën e tij të madhe kombëtare , Haxhi Zeka më 23-29 janar 1899 organizoi Kuvendin e Pejës , që themeloi Lidhjen Shqiptare të Pejës , kurse në prill-maj 1899 mori masat për thirrjen e një kuvendi tjetër të përgjithshëm të Lidhjes Shqiptare .
Kjo nuk ndodhi sepse mbajtja e këtij kuvendi u pengua nga Porta e Lartë ! Heroi ynë i vazhdoi përpjekjet epër të forcuar Lidhjen Shqiptare deri në 1900 , ku dhe ushtria osmane e shtypi atë .
 
Më 21 shkurt 1902 ky hero shqiptar i yni u vra në pabesi nga i mallkuari Adem Zajmi . Adem Zajmi ishte një agjent i vënë nga qarqet shoviniste serbe , të cilat patën përkrahjen osmane . Turk e shkja , motër e vëlla !
 
Gjeniu i letrave shqipe At Gjergj Fishta , e ka përmendur në veprat e tij Haxhi Zekën :
Dil e piqu n’Haxhi Zekën / grish Kosovën , bashko Rekën / Lsho kushtrimin n’Toskë e Gegë / Mblidhu tok si kokrrat n’shegë …
Shperndaje ne

The Author

Brilant Gashi

Përgjithmonë Shqiptar ...

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.