URIME DITËLINDJEN, BACË ADEM DEMAÇI-QËNDRESTARI I KOMBIT,
PROMETHEU I SHQIPTARIZMËS
Me rastin e DITËLINDJES
(26 shkurt 1936-26 shkurt 2017)
E PAARRITSHME
E paarritshme është Lartësia ku u ngrite.
Vetëm Ti arrite Të ngjitesh atje.
Është fare e kotë dhe krejt humbje kohe,
Se s’mund ta mbajmë hapin, me Ty, o Promethe.
Vetëm zëri i mekur i popullit të robëruar,
Ty ta dha guximin dhe të trimëroi.
Vetëm dashuria që pate për Kosovën,
Të dha shumë fuqi dhe të pavdekësoi.
Monument i gjallë je në zemrat tona,
Krenari e kombit , nip i Skënderbeut.
Për lirinë e popullit në burgje u burrërove
Diçka që s’ka ndodhur te popujt e tjerë.
