Hasan Prishtina dhe Shqipëria etnike

Shkruan : Brilant Gashi


I dashur komb , tani dua të përmend njërin ndër politikanët më të zot , që ka mundur të egzistonte në atë kohë tek populli shqiptar . Fjala është për më të mirin e kryeministrave Hasan Prishtina . Sikur të ishte në vendin e hajnave të sotëm , punët tona do të ishin më të mira .
 
“Kuvendi i Taksimit dhe Luftërat çlirimtare shqiptare 1912-1998-99” është titulli i librit të shkrimtarit Sabri Maxhuni , në të cilin flitet në shumë tema (80%) për kolosin dhe ideologun Hasan Prishtina dhe për Kuvendin e Taksimit , çlirimit të kryeqytetit të Shkupit dhe fitores së zbatuesit të ideave të këtij kolosi etj .
 
Mund të ishim shumë keq , po të mos ishte për Hasan Prishtinën dhe veprat e tij . Sindroma e tradhëtisë ndaj Kuvendit të Taksimit po vazhdon edhe sot dhe ende është aktuale . Sa mund të jetë e vërtet kjo ?
 
Hasan Prishtina e organizoi luftën çlirimtare shqiptare për çlirimin e katër vilajeteve shqiptare , që e përbënin Shqipërinë etnike . Mbeti në luftë Kosova , për shkakun që u tha disa herë . U minua nga dora e zgjatur e serbo-grekëve . Kjo luftë u programua shumë mirë . U planifikua dhe u projektua shumë mirë me shembullin : “Po të fillonte një ditë më parë , do të ishte herët . Po të fillonte një ditë më pas , do të bëhej vonë.”.
 
“U nisëm prej Erizoviqit për në Shkup . Nuk kishin shumë fuqi se 20% t’asaj fuqie që kishim në Prishtinë . Shkaku i zvogëlimit të fuqisë ishte ky : Riza Gjakova mendonte me e pështu Sulltan Hamidin , qi ishte burgosun në Selanik e prandaj kenë qi u shkonte me nji fuqi të madhe mbrapa .” – ishin fjalët e Hasan Prishtinës në librin “Nji shkurtim kujtimesh” , faqja 33-34 .
 
Në këto kujtime bëjnë pjesë kujtimet e tij si politikan dhe patriot i shquar dhe ato janë : Nji ditë historike në Parlament Othoman , Në hotel “Pera Palace” , Mbledhja e Taksimit , Nji pritje prej anës së Sulltanit , Nji fitim në dy luftim , Partija “Marrveshje e Liri” e kryengritja shqyptare , Të përpjekunat me Konsulin e Anglis të Shkupit .
 
Ky shqiptar i Polacit e vërtetonte veten një atdhetar , që nëna lind njëherë në njëqind vite . Kishte probleme me sllavo-osmanët , por edhe me vet gjakun e tij . Kjo ishte arsyeja që nuk mund t’a shihte Kosovën të shkatërruar dhe duhej të bëheshin kryengritje të vazhdueshme derisa të çlirohej Shkupi . Shkupi u çlirua në krye me Hasan Prishtinën dhe Bajram Currin .
 
Ishte në të gjitha ngjarjet më të rëndësishme duke filluar nga Kryengritja Drenicë-Junik , Lidhja e Junikut , Rrethimi i Pejës , Lufta e Qafes së Prushit , Pushtimi i Prishtinës , Rrëximi i Kabinetit Jeune-tyrk . Ishte në dijeni dhe në hartimin e planeve se si të shpëtonte Kosova dhe trojet amë nga zgjedha e mallkuar osmane .
 
Thëniet , ndoshta , mund të jenë të mira por është prova kryesore që mund të vërtetojmë madhështinë e këtij patrioti :
“Njeriu pa kombin është asgjë. ” , “Parimin tim nuk mund t’a shkel jo për një ministri , por as për postin e sulltanit . Në vend të kolltukut me turp në Stamboll , pëlqej kryengritjen me armë në dorë në malet e Kosovës .” , “Mue n’idenë teme patriotike nuk ka mujtë as nuk do të mujë më me shtrue ari i të tanë botës por as mënie e të tanë armiqve ! Ka me më shtrue vetëm vdekja !”
“Eshtë e drejtë e legjitime për çdo popull për t’u ngritur kundër padrejtësive për të fituar një të drejtë që Zoti i jep çdo populli .” , “Natyra e fuqisë dhe disiplinës qëndronte në cilësitë e intelektit shqiptar . Jam i bindur sot që shqiptarët përbëjnë popullin më të zgjuar në Ballkan .”.
 
Herët apo vonë , shqiptaria do të zgjohet nga gjumi dhe do të nisim punën tonë për bashkim , që nga i madhi Skënderbe deri tek Hasan Prishtina për një Shqipëri etnike .
Shperndaje ne

The Author

Brilant Gashi

Përgjithmonë Shqiptar ...

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.