ISMAIL KADARE: GJUHËS SHQIPE, pesë shekuj dënim nga “perandoria tolerante” turke

“Shqipja është një nga gjuhët më të zhvilluara flektive (me nyja e parafjalë). Falë kësaj cilësie e, padyshim, gjithë mekanizmave të tjerë të saj, ajo përballoi lehtë, shumë më lehtë se ushtritë e princave shqiptarë, sulmin osman.

Sulmi i turqishtes, që ishte gjuhë aglutinative (që manovron me prapashtesa), ishte një lloj sulmi i një mamuthi të ngathët që lufton kryesisht me bisht kundër një luani që përdor më shumë dhëmbët dhe kthetrat. Asnjë gjuhë tjetër dhe asnjë shkollim në Europë nuk kanë pasur një martirizim të tillë: pesë shekuj dënim.

Për të mos u zgjatur, mjafton një statistikë tmerruese nxjerrë nga “Historia e shqiptarëve”, e francezit Serge Metais, botuar në vitin 2006, Paris. Tabloja e shkollimit është e pabesueshme. Më 1887, në Shqipëri kishte tre mijë shkolla, prej të cilave një mijë e dyqind shkolla publike turke, po aq shkolla private greke, treqind shkolla bullgare, serbe dhe vllahe, shkollë shqipe vetëm një, me drejtor Pandeli Sotirin!

Pra, gati çdo gjuhë lejohej të mësohej në “perandorinë tolerante”, përveç njërës: gjuhës shqipe! Dhe historia s‘mbaron me kaq. Katër vite më pas, Pandeli Sotiri vritet, shkolla shqipe mbyllet! Kjo është e vërteta, që ende nuk është shpalosur qartë përpara popullit shqiptar. Por rimohuesit nuk e duan këtë të vërtetë. Në vend të saj, ata duan të vendosin një tjetër histori.

Siç u pa më lart, për ata pushtimi, pra, sundimi osman nuk ka qenë i keq. E keqe dhe kundërproduktive ka qenë qëndresa e Gjergj Kastriotit. Duke e sulmuar Kastriotin, më shumë se njeriun e shpatës, ata sulmojnë vizionarin e madh, princin, që, ndryshe nga të tjerët, e ktheu vështrimin drejt Europës. Në këtë mënyrë, bashkë me doktrinën e lirisë, ai nismëtoi programin më europianist shqiptar, më modernin program të këtij populli.

Është e qartë tani përse rimohuesit shqiptarë janë kundër testamentit të tij. Teza e tyre se sundimi osman s‘ka qenë i keq, e keqe ka qenë qëndresa, mund të përkthehet fare saktë: e mirë për Shqipërinë nuk është Europa, por Azia. Andej, pra, të kthehemi!”

Ismail Kadare

Shperndaje ne
Updated: 26 Janar, 2020 — 19:42

The Author

Admin

2 Comments

Add a Comment
  1. ISMAIL KADARE;ËËËH,GJUHA SHQIPE,PESË SHEKUJ NDALUAR NGA PERANDORIA TURKO OSMANE
    HËËË,SHPRESË TEMPUJ GURRA SHKRIPE,QE VALUAR NGA TERRAHORIA FURKO MORGANE;OUUUH,
    ORE;GJENË TOKË RUAN SEKRETIN;HEEEJ,KRENE LOKE PRUAN DEKRETIN;SI PËRJETËMOT,EDHE
    SOT;NGA I MADHI ZOT;NA GJEGJI I ZOTI KËTI DHEU;GJERGJI KASTRIOTI SKËNDËRBEU;OUH
    BASHKA,DASHKA;MË HYREGJENDARIN,KRYLEGJENDARIN;DUKE RIZGJUAR,DUKE RISHKRUAR;OUUU
    DUKE RINGRITUR,DUKE RILINDUR;SHTATË PALË GJENËTOKË,SHTATË PALË QIELLI;OUUUH ORE
    SHTATË VALË OJ,NËNË LOKË;SHTATË VALË RREZE,BREZE DIELLI;DUKE RIFLAKËRUAR;O,DUKE RISTARTUAR;DUKE RIBASHKUAR,DUKE RITRASHËGUAR;SHTATË COPAT E NDARA,SHTATË TROPAT
    PËRÇARA;PËR RIBASHKIMIN,PËR RITRASHGIMIN;TERË RITRIUMFIN,TERË QE RIGUFIN;OU ORE
    N’KRYE ME HYREGJENDARIN,KRYELEGJENDARIN;UÇK+USA+DIASPORA+MBARË TROJET SHQIPTARE
    TANDEMA PËRGJEGJE;OUH OREEE;ADEMA GJERGJE;ADEMA GJERGJE;ADEMA GJERGJE!MANI,USA.

  2. mendoj se kemi arritur fundin. pa ndihmen e apokalipsit s’do mundemi te ringjallim te verteten apokaliptike. skemi shkencetare apokalipsi qe te na kene frike, sepse skemi koke por vetem duar xhepistesh qe na drejtojne. sduam dhe shume te veteshkaterohemi, paraja na beri musliman, tani ska ngel me horr e shejtan pa na mbyt. nese duhet bere dicka shenomeni dhe mua. e kam mendjen me kallo dhe gishtat pa prere

Lini një Përgjigje te Selman Dervishi-Mani,USA. Anuloje përgjigjen

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.