Shkruan : Brilant Gashi
Bota kundër shqiptarëve (shkrimi #9)
Janë bërë 600 vite , që kur ata nuk kanë qenë në atdheun e tyre . Tmerr i madh lexues të dashur . Një tmerr i madh është të mos shkelësh me këmbë në atdheun tënd për shekuj të tërë ! Ky është malli i vërtet i atdheut dhe për të .
Pikërisht , arbëreshët e Gjergj Kastriotit , patën të njëjtin fat të keq . I falënderohemi zotit që i ruajti arbëreshët , këtë gjakë që nuk bëhet ujë . Ky gjakë do të thotë një trashëgimi e madhe për popullin tonë . Ata patjetër e meritojn të bëhen pjesë e UNESCO-së .
Ky është ai gjakë , i cili në shekullin XV , pas vdekjes së të madhit Gjergj Kastrioti , arriti që t’i shpëtoj asimilimit nga Perandoria Osmane . Ai popull e meriton dashurinë nga vëllezërit e saj shqiptar , që jetojnë në atdhe .
Pas vdekjes së Gjergjit , mbrojtësit të Europës , njolla e zezë dhe hije-rëndë e kësaj Perandorie u përhap në të gjitha trojet shqiptare dhe kështu u shfaqën edhe shpërnguljet e para të arbëreshëve drejt Italisë .
Nuk i besova syve të mi , kur e pashë që ata kanë ardhur për t’a vizituar atdheun e tyre pas shumë kohësh . Në atë moment , gëzimi im i kaloi të gjitha kufijtë e veta , sa që dola nga vetja ime ose nuk e besoja se po ndodhte kjo në të vërtet .
Unë jam dhe do të jem gjithmonë krenar për këtë gjakë . Jam i lumtur sepse gjaku i të parëve të tyre qarkullon akoma edhe pas kaq shumë shekujsh . U vërtetua se shqiptarët nuk janë shpërbërë akoma . Ata e dijnë se ku janë rrënjët e tyre !
Historia jonë e vërtet fillon nga koha e arbëreshëve dhe luftërat e lavdishme të Gjergj Kastriotit . Aty është pikënisja , ku fëmijët dhe gjeneratat në vijim , duhet t’a mësojnë të kaluarën tonë . Ata duhet të mësojnë rreth arbëreshëve tanë , që , në kohën kur ata të rastisin të shohin ndonjë arbëreshë , të paktën të dijnë që ai shqiptar është gjaku i Gjergj Kastriotit .
Më 6 Maj është ditëlindja e mbretit tonë , mbretit të shqiptarëve Gjergj Kastrioti . Duke filluar nga kjo datë , deri më 6 Maj 2018 , do të jetë viti i Gjergj Kastriotit .
Arbëreshët ishin në atdhe , gjithashtu për të kremtuar Vallen e Fitores . U bënë 550 vjet që kur u zhvillua kjo betejë ndaj osmanëve .
Njëherësh ishte edhe beteja e fundit e Gjergjit tonë Arbëror . Ai nuk do të ishte më në gjendje të luftonte krah për krah me shqipet e tij .
Mund të përmendim emra të ndryshme (studies , shkrimtarë , politikan) , të cilët janë me origjinë arbëreshe dhe me gjakë Kastrioti si p.sh : Jul Variboba , Jeronim De Rada , Frangjishku Krispi , Zef Skiroi , Sotir Ferrara , Joseph DioGuardi dhe shumë të tjerë .
Pasi që Italia përbëhet nga një shumicë shqiptare , edhe Programi Televiziv RAI , ka vendosur që për hir të shqiptarëve (Arbëreshëve) aty , të transmetojn edhe në gjuhën e mëmës së tyre , në gjuhën shqipe . Kjo është arsyeja se përse ne nuk mundemi të quhemi shqiptar nëse nuk do të ishin arbëreshët , gjaku i Skënderbeut .
Dashuria për atdheun , i shtyu edhe studiuesit arbëresh , që të hulumtojnë edhe më shumë për lashtësinë e gjuhës shqipe (gjatë Rilindjes Kombëtare Shqiptare) . Në kolonitë arbëreshe , filluan të dukeshin shenjat e para të një lëvizjeje në përkrahje të çështjes së madhe kombëtare . Që nga ajo kohë , arbëreshët filluan të interesoheshin për mëmëdheun e tyre .
Mirë se erdhët në tokën e të parëve tuaj , o popull hyjnor , o gjaku i lashtë i të madhit Gjergj Kastrioti , o dritë e madhe e kombit dhe e popullit tonë të mjerë ! Edhe njëherë mirë se erdhët në Shqipërinë etnike .
Faleminderit , që nuk e harruat kulturën tonë , gjuhën tonë dhe zakonet tona shqiptare , që i përcillni brez pas brezi . Dera e gjithë Shqipërisë etnike , do të jetë e hapur për ju . Me gjakun dhe zemrën tuaj , do të bëhet Shqipëria , që e duam .
Sa të jenë gjallë shqiptarët , edhe ju do të jeni gjallë sepse ju jeni përplotë me vlera të mëdha kombëtare . Kështu ju pafsha gjithmonë .
