Shkruan : Brilant Gashi
Nuk humbasin rrënjët tona (shkrimi #2)
E di edhe unë . Eshtë e dhimbshme që dikush t’i humbas rrënjët e veta , njëkohësisht është edhe një tmerr i madh . Të parët e tu t’i kanë lënë më të mirat e tyre dhe ne si shpërblim duhet që t’i ruajmë ato që të parët i kanë lënë .
Shqipëria është vendi më i bukur në botë . Aty mund të gjesh harmoninë fetare dhe dashurinë vëllazërore ndaj shqiptarëve ! Jo prit … Dikush është duke tentuar që të na përçaj dhe ne nuk duhet të lejojmë që kjo përçarje të na ndaj , siç na ndanë Ambasadorët e Londrës më 1913 .
Ajo ndarje nuk duhet të jetë e pranishme ose ndryshe ëndërra e Shqipërisë etnike mund të zhduket . Isha duke menduar për atë , që mund të bëja po të isha mashkulli më me ndikim në botë . Padyshim se do të isha krenar për kombin tim dhe do t’a bashkoja me pjesët e tjera sepse e di , që shqiptarët e mi janë të gatshëm për t’u bashkuar dhe t’a bashkojnë Shqipërinë e bukur etnike . Për këtë thonë : Disa gjëra janë krijuar për t’u ndarë dhe për t’u bashkuar më vonë .
Ku ka si Shqipëria ime ? Sigurisht që vend më të bukur dhe më tërheqës për turistët se sa Shqipëria nuk ka . Shqipëria e bukurive të mëdha , ajo e trimave më të mëdhenj , e trimëreshave dhe e ashtuquajtur burrneshave . Gjaku nuk mund të bëhet kurrë ujë . Trimat tanë nuk do t’a lejojnë , që ky gjak të bëhet i tëri ujë .
Një popull i cili ka një kulturë të zhvilluar , nuk mund të lihet kurrë në harresë . Njerëzit e mallkuar vetëm kërkojnë , që ne të harrohemi dhe harresa jonë të shërbej për të zhdukur tërë qenien shqiptare .
Ne jemi të zgjedhurit e zotit dhe për këtë arsye , forca e cdo shqiptari i nevojitet kombit . Të bashkohet populli pellazgo-ilir është e vetmja zgjidhje që i duhet shqiptarëve . Rroftë kombi shqiptar në një flamur të pandarë . Kuq e Zi janë ngjyrat tona / Mbi flamur jeton shqiponja / Kokën lart e shumë krenar / I them botës jam shqiptar .
Edhe qielli i cili mbulon tokën tonë , edhe dielli duhet t’a shoh dhe të kuptoj që ai duhet t’a ngroh me rrezet e tij të nxehta popullin shqiptar . I ftohti i armiqëve tanë bashkë me plumbat e tij , na kanë vrarë . Ushtari ynë dhe i biri i nënës erdhi tek shtëpia e tij me plagën më të madhe të lirisë . Ushtari i tha nënës së tij : Kjo do të jetë hera e fundit që do të ndihem kështu sepse herën tjetër do të vdes me ndjenjën e të qenurit i bashkuar .
Për çdo natë i them unit tim : Kjo do të jetë nata ime e fundit që do të jetoj i ndarë dhe nga ana tjetër përgaditem për nesër me ndjenjën se shqiptarët do të bashkohen dhe unë do të ndihem i gjallë se kurdo herë .
Unë e di që ti e di o vëllau im shqiptar . Shqipet do të ndihen të lirë kur ata do t’a ndjejnë veten të bashkuar me trojet e bashkuara të aktit juridik të 28 nëntorit 1912 . Si çdo herë duke përfshirë në hartën shqiptare edhe Nishin , Preshevën , Medvegjën , Toplicën dhe trojet e tjera andej kufirit . Shqiptarët ndjehen sikur unë dhe unë ndjehem sikur shqiptarët e tjerë .
Unë jam shqiptar i Kosovës , Shqiptar i vet mëmës Shqipëri , Shqiptar i Iliridës , Shqiptar i së lumes Çamëri dhe për më tepër jam edhe shqiptar i gjithë botës .
Askush nuk duhet të jetë shpëtimtar i yni , sepse të gjithë të duan vetëm për interesin e tyre . E dini se çfarë : Ne duhet të jemi shpëtimtarët e kombit tonë , duke i ruajtur me fanatizëm rrënjët tona .
