Një tjetër histori e hidhur ! Masakrat serbe në Darsi

Shkruan : Brilant Gashi


Nuk humbasin rrënjët tona (shkrimi #6)
 
Njëra ndër historitë që nuk përflitet shumë janë Masakrat serbe në Darsi . Historitë e rralla të popullit shqiptar duhet të tregohen më shumë sepse çfarë do t’i mësojmë kur të rriten fëmijët tanë , duhet t’i tregojmë historitë e pathëna tonat .
 
Krahina e Darsisë shtrihet në kodrat në jug të lumit Shkumbin , kufizohet me Dumrenë në lindje dhe në jug e jugperëndim zbret deri në kufijtë e fushës së Myzeqesë . Një vendbanim i hershëm , me një terren kodrinor të butë ku banorët sigurojnë jetesën e tyre .
 
Kjo krahinë në kohën e diktaturës është identifikuar si “Zona e Hamit Matjanit” , dhe ka zbehur në njëfarë mënyre kontributin e shumë burrave , të cilët kanë dhënë edhe jetën për këtë tokë .
 
Po të vëresh me kujdes toponimin e kësaj krahine , ndryshe nga vise të tjera përreth , janë të pakta vendemërtimet me origjinë sllave . Nuk është vendi për të renditur arsyet se pse ka ndodhur kjo , por mund të themi se kjo është një vepër e ushtrisë serbe në 25 mars 1913 , dhe ka përjetësuar një vendemërtim që thirrej “Boka e Bardhë” , por sot nga banorët vendas njihet si “ke të thermit” .
 
Një ngjarje që numëron 104 vjet në datën 25 mars , e përjetësuar si toponim që përdoret nga pak banorë , të cilët i referohen rrallëherë për arsyet e tyre , dhe e cila është e fshirë nga kujtesa historike .
 
O popull , Serbia ka bërë gjenocid i cili nuk duhet të harrohet kurrë dhe e gjithë kjo vetëm për t’u zhvendosur në tokat tona dhe për të vrarë , masakruar dhe asimiluar popullsinë autoktone që ndodhej në atë kohë . Pa fakte të duhura historike , nuk mund të themi asgjë sepse as Europa plakë e asaj kohe e as fqinjët (ose kasapët e popullit shqiptar) nuk do të besojnë se kanë ndodhur këto masakra .
 
Serbia mund t’i fsheh këto vrasje , por këta “mendjelehtë” duhet të dijnë se disa shqiptar akoma nuk janë të kapluar nga harresa historike . Shyqyr prej zotit sepse po të ishin , popullin shqiptar do e merrte lumi dhe nuk do të ishte askush dëshmitar , që t’i tregoj këto masakra .
 
Masakra e Darsisë është një ngjarje që numëron 104 vjet në datën 25 mars 1913 .
Po sjelli disa fraza të shkëputura nga libri “Darsia” i Harun Grecës për të hedhur vetëm dritën mbi këto ngjarje : Në marsin e vitit 1913 serbët kapërcejnë Shkumbinin dhe zënë kodrat e Darsisë .
 
Në një lartësi 272 metra u vendos edhe shtabi i divizionit … Serbët synonin kalimin nëpër Darsi e Myzeqe të dilnin në Adriatik .
Pas largimit të ushtrisë turke nga Darsia , forcat serbe zunë përsëri pozicionet e mëparshme . Ushtria serbe e rrethoi fshatin Gjuzaj dhe arrestoi të gjithë burrat duke terroriziar gra dhe fëmijë . Të gjithë burrat që morën nga vatrat e tyre civil dhe të paarmatosur , serbët i therën ashtu siç theret bagëtia në kasaphanë .
 
“Thikat ndritën në errësirë prej reflekseve të dritës … I therën në dy thertore , i hodhën kapicë me njëri-tjetrin … Era e rëndë e gjakut dhe rënkimet e të therurve trazuan qeësinë e shtirur të natës .” – shkruan Harun Greca në “Darsia” .
 
Nga kjo masakër e palakmueshme , doli i gjallë vetëm Mustafa Xhyra , të cilin jo se e kursyen , por thikat e ngulura në qafë nuk i’a morën jetën , për t’i rrëfyer të tjerëve për këtë masakër dhe t’ia hap sytë botës që të shoh më mirë se kush janë barbarët e vërtet .
 
Ne asnjëherë nuk do t’i harrojmë masakrat e këtyre barbarëve ndaj nesh , të cilët duhet të dënohen dhe të dënohet edhe shteti serb për këtë skenar gjaku që e kanë bërë me gjithë ata shqiptar të pafajshëm . Ne nuk do të harrojmë kurrë .

Brilant Gashi

Jam një djalë atdhetar i rritur në fshatin Janjevë të komunës së Lipjanit që për momentin jetoj në Fushë Kosovë . Betohem tek zoti i madh se do t'i shërbej atdheun në mënyrën më të mirë të mundshme . Do ju shoqëroj me shkrimet e mia për historinë e popullit shqiptar deri në fund të jetës

Latest posts by Brilant Gashi (see all)

The Author

Brilant Gashi

Jam një djalë atdhetar i rritur në fshatin Janjevë të komunës së Lipjanit që për momentin jetoj në Fushë Kosovë . Betohem tek zoti i madh se do t'i shërbej atdheun në mënyrën më të mirë të mundshme . Do ju shoqëroj me shkrimet e mia për historinë e popullit shqiptar deri në fund të jetës

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Bashkimi i Shqipërisë © 2014 Bashkimi i Shqiperise
Show Buttons
Hide Buttons