Xhamia e pavarur shqiptare – Domosdoshmëri

Shkruan : Brilant Gashi


Nuk humbasin rrënjët tona (shkrimi #8)
 
Le të bëhemi burrat e botës dhe t’a shpallim edhe ne xhaminë e pavarur shqiptare . Përse të presim për të marrë miratimin e të tjerëve , kur duhet t’a marrim miratimin pikërisht nga vetvetja ! Nuk duhet të presim , që të tjerët të bëjnë punët për ne .
 
Nëse shqiptarët ortodoks e kanë shpallur autoqefalinë e kishës së tyre , atëherë edhe shqiptarët e fesë islame , duhet t’a shpallin pavarësinë e xhamisë shqiptare .
Autoqefalia e xhamisë së pastër shqiptare është një domosdoshmëri për shqiptarët . Një domosdoshmëri që duhet të jetë patjetër në jetët tona .
 
“Kemi tri fe , por kemi vetëm nje atdhe të përbashkët , një gjak vëllazëror , një gjuhë , një diell e një zot .
Detyrë mbi detyra kemi bashkimin dhe mbrojtjen e atdheut !” – thoshte Hoxhë Mulla Idriz Gjilani .
 
Le të lutemi njëherë e mirë në gjuhën e bukur shqipe dhe t’i lëmë mënjanë lutjet në gjuhën arabe . Kjo nuk është e drejtë për ne . Le të lutemi në një gjuhë të vetme : Në atë shqipe .
 
“Le të lutemi në shqip , dhe pastaj lutjet e rregullon perëndia .” – thoshte atdhetari ynë i gjithanshëm Fan Noli .
Nëse nuk lutemi në gjuhën e mëmës sonë , atëherë nuk do të kemi se në çfarë gjuhe të lutemi .
 
Mikja më e madhe e shqiptarëve Edith Durham shkruan : “Kudo në Rumeli njerëzit përgjigjen : Jam ortodoks apo katolik , ndërsa në Shqipëri edhe bariu më i thjeshtë me krenari thotë : Unë jam Shqiptar …”
 
Kemi tri fe dhe jemi të ndarë në gjashtë shtete shqiptare . Çfarë duhet të bëjmë për t’u bashkuar ? Mendoj se pikë së pari nëse duam të bashkohemi , atëherë duhet të lëmë mënjanë mendimin se “Feja gjithmonë është para kombit” . Kjo është e tmerrshme , sidomos për shqiptarët dhe afrohet edhe më shumë errësira e planeve antishqiptare dhe sllave .
 
Në trojet shqiptare ka shumë pak klerikë fetar të fesë islame , të cilët e vendosin kombin si sendin më të rëndësishëm . Ne duhet të jemi krenar se çfarë kombi kemi dhe për këtë arsye kombi duhet të vijë gjithmonë në radhë të parë .
 
Nëse duhet të shpallet patjetër pavarësia e xhamisë shqiptare , udhëheqës i saj duhet të jetë Hoxha i nderuar Zekerija Idrizi , i cili tërë jetën e tij i’a ka kushtuar kombit dhe letërsisë . Me plot krenari , ai ligjëron me plis në kokë dhe nuk është i njëjtë si shumë hoxhallarë këtu në Kosovë . Ndër të tjerash ky shqiptar nga treva shqiptare e Iliridës , ka lexuar edhe planin dinak të Çubrilloviçit .
Nëse shpallet pavarësia e xhamisë shqiptare Zekerija do të bëhet një udhëheqës i denjë për t’a marrë këtë detyrë . Atdheu duhet të bëjë edhe më shumë burra të tillë , që t’i shërbejnë atdheut dhe harmonia jonë fetare të forcohet edhe më shumë . Një foto e këtij shqiptari të ndershëm më poshtë duke ligjëruar me plis !!!
Jemi një lis me dy degë dhe kemi tri fe , por kemi vetëm një atdhe .
“Vështroni këtë dru mani , o djemtë e mi ! Ka dy trupa dhe një rrënjë . Kështu dhe ne si popull jemi një pjesë myslimanë , një pjesë të krishterë , por kemi një rrënjë të përbashkët , jemi shqiptar” – thoshte njëri nga nënshkruesit e pavarësisë Babë Dudë Karbunara .
 
Shpresoj që këtë shkrim t’a lexojnë të gjithë ata që i mendojnë të njëjtat fjalë si të miat . Këtë shkrim e bëra për hir të shqiptarëve myslimanë dhe për muajin e shenjtë të Ramazanit , që shqiptarët të ndërgjegjësohet e vetëdijesohen për t’a shpallur ashtu siç duhet haromoninë fetare dhe xhaminë e pavarur shqiptare në trojet tona të copëtuara .
 
Fati i atdheut dhe kombit tonë shqiptar ka mbetur në duart e të rinjëve dhe mendjendriturve , të cilët janë të gatshëm , që tërë dijen e tyre t’a japin për të mirën e atdheut qoftë ai shqiptar i besimit katolik apo musliman .

Brilant Gashi

Jam një djalë atdhetar i rritur në fshatin Janjevë të komunës së Lipjanit që për momentin jetoj në Fushë Kosovë . Betohem tek zoti i madh se do t'i shërbej atdheun në mënyrën më të mirë të mundshme . Do ju shoqëroj me shkrimet e mia për historinë e popullit shqiptar deri në fund të jetës

Latest posts by Brilant Gashi (see all)

The Author

Brilant Gashi

Jam një djalë atdhetar i rritur në fshatin Janjevë të komunës së Lipjanit që për momentin jetoj në Fushë Kosovë . Betohem tek zoti i madh se do t'i shërbej atdheun në mënyrën më të mirë të mundshme . Do ju shoqëroj me shkrimet e mia për historinë e popullit shqiptar deri në fund të jetës

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Bashkimi i Shqipërisë © 2014 Bashkimi i Shqiperise
Show Buttons
Hide Buttons