Deklarata Kushtetuese – Themeli i Pavarësisë së shtetit të dytë shqiptar

Shkruan : Brilant Gashi


Nuk humbasin rrënjët shqiptare (shkrimi #15)
 
Ishte viti 1990 , një vit i errët për të gjithë shqiptarët e Kosovës ! Një vit ku rrezikohej edhe vet qenia e të gjithë shqiptarëve të asaj treve dhe do të humbej autonomia e Kosovës , pra do të lejohej edhe vet serbizimi me dhunë i Kosovës .
 
Në këto rrethana , edhe duhet të bëhej një lëvizje për t’a parandaluar këtë plan sllav për sllavizimin e Kosovës shqiptare . Nga kjo humbje e autonomisë , edhe shqiptarët ndërmorën lëvizje mbarëshqiptare për t’a ruajtur autonominë tonë . Çlirimi i Kosovës do të ishte një fakt që bota duhet t’a pohonte në çfarë do lloj mënyre , mbi të gjitha duhet t’a pranonin edhe shtetet e tjera në kuadër të ish-Jugosllavisë , gjithashtu edhe Serbia .
 
Lëvizjet mbarëkombëtare filluan me thyerjen e pjatave të para në Menzën e Studentëve në Prishtinë , demostratat e mëdha të marsit-prillit 1981 dhe lëvizje të tjera , që do t’a vinin nën presion regjimin e Sllobodan Millosheviç . Regjimi i madh serb do të përfundonte , kështu menduam ne , por jo nuk u bë kështu . Nëntë vite më vonë , do të fillonin edhe masakrat e tmerrshme .
 
Themelet e para për Pavarësinë e Kosovës janë ndër lëvizjet më të mëdha kombëtare , që bëri bujë të madhe për të gjithë shqiptarët në çdo cep të Kosovës . 2 korriku 1990 ishte një datë e rëndësishme për Kosovën sepse do të shpallej Deklarata Kushtetuese .
 
Ky akt i madh politiko-juridik ishte shprehje e kuptueshme e shqiptarëve të Kosovës për liri dhe mëvetësi në ato rrethana , që po krijoheshin tek shqiptarët dhe në rajonin e Ballkanit . Falë kësaj kushtetute , Kosova dhe populli i saj ishte gati të bënin çdo gjë vetëm për të pasur lirinë e tyre .
 
Delegatët e Kuvendit të atëhershëm të Kosovës duke qenë të vetëdijshëm për aktin e madh historik , me një zë miratuan Deklaratën Kushtetuese me të cilin Kosova shpallet njësi e veçantë territoriale në kuadër të Republikës Federale Jugosllave . O zot , shpëtoj shqiptarët , shpëtoj ata shqiptar të cilët rrezikojnë edhe familjet e tyre për shpëtimin e atdheut të tyre . Fali mëkatet e gjithë shqiptarëve , nëse ata bien dëshmorë për Kosovën tonë . Mos lejo që urrejtja e të tjerëve t’a çoj kot së koti mundin tonë për atdhe .
 
“Me ngritjen e dy gishtave , delegatët e ish-Kuvendit të Krahinës Socialiste Autonome të Kosovës e miratuan Deklaratën Kushtetuese të 2 korrikut . 114 delegatët nënshkrues nisën duartrokitjet e fuqishme para ndërtesës së mbyllur të Kuvendit pasi nënkryetari Muharrem Shabani përfundoi leximin e Deklaratës me fjalët : «Prishtinë , 2 korrik 1990» .” – janë fjalët nga Rexhep Maloku .
 
Rol të rëndësishëm në këtë deklarat ka luajtur edhe Akademia e Shkencave dhe e Arteve të Kosovës . Ajo miratoi më 14 qershor 1990 Deklaratën mbi Çështjet Kushtetuese , me të cilin shkencërisht argumentohej e drejta e subjektivitetit të barabartë politik të Kosovës në Jugosllavi , e cila bëri jehonë në opinion .
 
Dy muaj pas shpalljes së Deklaratës Kushtetuese , që në popull njihet edhe si Deklarata e Pavarësisë , pra më 7 shtator të vitit 1990 , të njëjtët delegatë nxorën aktin më të lartë juridik – Kushtetutën e Republikës së Kosovës dhe me këtë ata edhe formalisht e shpallën Kosovën republikë .
 
Ngjarjet e rëndësishme të fundshekullit XX , janë nga më të rëndësishmet për shqiptarët . Sidomos për shqiptarët këto ngjarje me karakter patriotik morën vëmendjen në të gjithë Gadishullin Ballkanik . Pra , për bijtë e mi erdhi koha për lirinë e merituar tonën . Mbahu nënë se bijtë e tu , dëshirojnë me e liru Kosovën .
 
Deklarata Kushtetuese – akti i parë juridik për të shpallur pavarësinë Kosova jonë më 17 shkurt 2008 , dhe për t’u njohur si shteti i dytë i ri shqiptar . Lufta e studentëve tanë gjatë gjithë shekujve dhe e luftëtarëve të UÇK-së u kurorëzua me çlirimin e kësaj treve shqiptare nga e madhërishmja Amerikë . Por tani ? Si duhet t’a ngrisim këtë shtet nëntë vjeçar mbi vlerat e patriotizmit të mirëfilltë ?

Brilant Gashi

Jam një djalë atdhetar i rritur në fshatin Janjevë të komunës së Lipjanit që për momentin jetoj në Fushë Kosovë . Betohem tek zoti i madh se do t'i shërbej atdheun në mënyrën më të mirë të mundshme . Do ju shoqëroj me shkrimet e mia për historinë e popullit shqiptar deri në fund të jetës

Latest posts by Brilant Gashi (see all)

Shperndaje ne

The Author

Brilant Gashi

Jam një djalë atdhetar i rritur në fshatin Janjevë të komunës së Lipjanit që për momentin jetoj në Fushë Kosovë . Betohem tek zoti i madh se do t'i shërbej atdheun në mënyrën më të mirë të mundshme . Do ju shoqëroj me shkrimet e mia për historinë e popullit shqiptar deri në fund të jetës

1 Comment

Add a Comment
  1. 2 KORRIKU

    2 korrik 1990
    Zëri i Kosoves
    Jehoj lart
    Do të vijn ditë të mira
    Rrita jote
    Do të hedhë shtatë.

    HADE 1990 nga Halil Preniqi

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Bashkimi i Shqipërisë © 2014 Bashkimi i Shqiperise
Show Buttons
Hide Buttons