Shkruan : Brilant Gashi
Sikur t’a dinim , që do të bënim shumë të këqija jo vetëm ndaj familjes sonë por edhe ndaj atdheut , atëherë ne më mirë të mos kishim lindur fare por në momentin kur ne lindëm , nënat tona nuk e dinin se në të ardhmen do të bëheshim një barrë shumë e madhe për Shqipërinë tonë . Nënat tona nuk kanë faj , e vërteta është që në këtë punë nuk është faji i askujt .
Edhe unë nuk dua të bëhem një barrë për kombin tim , por vetëm dua t’a ndihmoj me mundësitë e mia . Mëmëdheu im më dha një shans shumë të mirë që t’i tregoj ngjyrat e mia të vërteta ndaj atdheut . Këtë e bëra nëpërmjet lapsit dhe letrës ! Nuk e di nëse e kam ndihmuar sa duhet këtë copë toke të shkatërruar , por do të vazhdoj , që t’a ndihmoj me çdo kusht .
Në këtë bisedë të gjatë me ty , mendova me vete dhe vendosa të t’a parashtroj këtë pyetje , të cilës duhet t’i përgjigjesh : Nëse dikush nga bijtë e tu do të bënte tradhëti ndaj teje , më thuaj nënë , a do t’a falje ?
Ishte duke menduar mëma Shqipëri rreth kësaj pyetjeje dhe më tha : Do të të tregoj herën tjetër për këtë pyetje .
“Jo” – i thashë sepse doja , që t’a dija përgjigjen e vërtet të saj . Dhe vazhdova bisedën me të duke i thënë “Më lër t’a dëgjoj përgjigjen për këtë pyetje të lutem .” Atdheu e pa me vëmendje këmbënguljen time dhe vendosi të përgjigjej .
Isha gati t’a dëgjoja përgjigjen e nënës Shqipëri dhe përgjigja e saj ishte kjo : “Këtë pyetje do t’a zbulosh vetëm duke parë të kaluarën time” .
Në fillim nuk e dija se cila është domethënia e kësaj përgjigjeje dhe si përfundim ndalova dhe mendova . Shkova në dhomën time pranë flamurit kombëtar dhe Skënderbeut . “Më tregoni përgjigjen e vërtet !” – ishin fjalët e mia ndaj këtyre simboleve dhe figurave kombëtare .
Fjalët e nënës Shqipëri mbetën në kujtesën time për shumë kohë dhe me kalimin e kohës , fillova të kuptoj se çfarë thoshte Atdheu im i dashur dhe heshtjen e simbolit kombëtar . Po pra , duhet të mësoj historinë time , historinë e një kombi që gjithmonë ka vuajtur . Erdhi koha t’a mësoja historinë e kombit dhe gjakut tim . Kjo është ajo që përpiqej të thoshte Nëna Shqipëri !
Gjatë gjithë viteve Shqipërisë i dolën foshnja të shëndosha të lindura në mesin e luftës . Nënat e tyre gjithë kohën me mendimin se këto foshnja do të jenë ardhmëria e një kombi të stërlashtë . Këto foshnja u bënë burra trima dhe filluan të luftonin për një tokë që quhej Shqipëri Natyrale .
Në ato luftëra të dendura ndaj armikut , dolën shejtanë të cilët do i’a prishnin shpirtin e mirë të këtyre trimave . Paraja e ndyrë bëri që të shfaqen ngjyrat e vërteta të këtyre trimave dhe kështu nga luftëtar të mirë dhe kurajoz u bënë tradhëtarët më të mallkuar të nënës Shqipëri . Në historinë tonë , mëshira jonë për tradhëtarët ishte zero . Nuk kemi pasur mëshirë për tradhëtarët dhe si përfundim i kemi vrarë .
Poshtërimi i figurave tona kombëtare , mbulimi i heroit tonë për aktivitete fetare dhe hudhja e simboleve kombëtare në tokë si lecka janë faktet kryesore se bijtë tanë mendojnë se janë duke bërë gjënë e duhur në emër të zotit por në të vërtet me ato veprime thjeshtë shfaqen si tradhëtarë .
Prandaj oj tokë mëmë – Fali bijtë e tu .
