Kuvendi i Lezhës (1444)

Kuvendi_Lezhes1

xdggddg

Shkruan: Brilant Gashi

Çlirimi i Krujës dhe i viseve të tjera u prit me një gëzim të madh te populli arbëror . Entuziazmi i lirisë për një kohë të shkurtër u përhap në tërë Arbërinë .

Qëllimi i Skënderbeut ishte shumë më i madh . Ai synonte që të krijonte një lidhje të fortë ku do të bashkonte të gjithë princat arbëror dhe që të bëheshin bashkë për t’i larguar osmanët nga Shqipëria sepse vetëm të bashkuar arbërit mund të ballafaqoheshin me pushtuesin .

 

SkanderbegMë 2 mars 1444 me ftesën e Skënderbeut në Kishën e Shën – Kollit në Lezhë u mbajt Kuvendi i Princërve Arbëror , dhe ky kuvend është i njohur si Kuvendi i Lezhës .

Në këtë kuvend morën pjesë edhe shumë princa të tjerë si , Gjergj Arianiti , Andrea Topia me djemtë , Gjergj Stres Balsha , Nikollë e Pal Dukagjini , Teodor Muzaka me disa familjarë , Lek Zaharia , Pjetër Spani me djemtë dhe Lekë Dushmani . Në kuvend mori pjesë edhe Stefan Cërnojeviç .

 

Vendimet e kuvendit ishin :

1. Krijimi i një Besëlidhje Arbërore në krye me Skënderbeun .
2. Formimi i një ushtrie të përbashkët të komanduar nga Skënderbeu si kapiten i përgjithshëm .
3. Krijimi i një arke të përbashkët për të përballuar shpenzimet e luftës .

Lidhja e Lezhës ishte aleancë politiko – ushtarake e princërve arbëror dhe njëherit ata ruanin dhe autonominë e luftës .

Kështu Skënderbeu arriti t’i mbledh e t’i bashkoj të gjithë princat arbëror dhe të krijonte një ushtri të rekrutuar me trima shqiptarë që nuk i’u dridhej syri dhe nuk kishin frikë që të përballeshin me osmanët .

Lidhja e Lezhës u bë gurthemeli i unitetit dhe ishte baza kryesore e krijimit të shtetit të Skënderbeut . Ai u bë figura kryesore dhe njëherit ai ishte njeriu me të cilin u lidhën shpresat e arbërve .

Shteti osman të gjitha këto veprime i përcillte me vëmendje dhe priste momentin e duhur që t’i sulmonte arbërit .

Në qershor të vitit 1444 osmanët vendosën të sulmojnë Arbërinë . Një ushtri osmane me 25.000 veta depërtoi përmes Luginës së Drinit në krahinën e Dibrës .

Skënderbeu ishte një strateg i rrallë dhe i ngriti një grackë osmanëve sepse i la të depërtojë në Fushën e ngushtë të Torviollit dhe aty i shpartalloi tërësisht .

Pastaj në vitet 1445 – 1447 thyen edhe disa ushtri osmane . Këto fitore ngritën lartë moralin e popullit dhe të ushtrisë shqiptare (arbërore) .

Shperndaje ne
Updated: 2 Mars, 2016 — 23:36

The Author

Brilant Gashi

Përgjithmonë Shqiptar ...

1 Comment

Add a Comment
  1. hallall o njishi kur da pim i kafe

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Bashkimi i Shqipërisë © 2014 Bashkimi i Shqiperise
Show Buttons
Hide Buttons