Jam fije bari e bimur n´këto troje
Jam gjuha shqipe e dheut amtar
në zemër kam të dashurën Kosovë
në shpirt e kam të lashtën Çamëri
Plagë kam në trup për tokat e mia
për gërshetin me flori të Shkupit
për artin që mundëson bashkimin
dhe për kufijtë tanë të pabashkuar
Kështu do thoshte Gjergj Kastrioti
Ymer Prizreni dhe Abdyl Frashëri
Nder është të jesh shqiptar! Pat
thënë Eskili, tek mërgonte në Itali
Trojeve ku jetojnë sot shqiptarët
ka trazira, revolta, dhe të burgosur
Shqipërisë do t´ia shtojmë fuqinë
me dijet më t´përparuara të kohës
Çamëri – Shqipëria ime e bimur
mungesën tënde e ndiej në shpirt
ti je bimur kur jam bimur dhe unë
ti je lindur kur jam lindur dhe unë
Me bekimin e të gjithë shqiptarëve
me bekimin e Iliridës dhe Ulqinit
të mbrojmë Çamëri! Të mbrojmë
që krenarinë atdheut t´ia shtojmë!…
AUTOR: RRUSTEM GECI