Rrustem Geci – Dortmund, 2015
Nëpër histori fatesh të rënda, nëpër histori burgjesh, dhe dënimesh me varje, dhe pushkatimesh, ku humbësve u dhunohoheshin fëmijët, gratë, dhe u plaçkitej baza materiale, dhe u digjeshin shtëpitë, e kufomat u masakroheshin, e shoh, edhe poezisë m´i dalin lot.
Kosovë, dashuria ime e përjetëshme, ne ende kemi shumë udhë për të bërë!
Shqipëri, Kosovë, Iliridë,Çamëri, shqiptarët jemi popull njëgjakësh, bimë e një gjuhe, bimë e një vendi, bima e parë n´këto troje.
Kosovë, Shqipëri, Iliridë, Çamëri, nuk mund ta pranojë asnjë falje, asnjë pajtim me serbët dhe grekët, pa u bashkuar trojet tona.
Udha për të pranuar faljen dhe pajtimin me serbët, do të jetë e gjatë.
Një shekull krimesh e gjenocidi e më shumë mbi popullin tonë, nuk falen dosido. Unë s´ kam mundësi të fali asnjë krim të padënuar, shprehet gjykatës Flamuri.
Unë s´dua të marr pjesë në këtë pazare të turpshme.
Liria që e fituam, avash, avash, do të na bëjë të lumtur!
Por, plagët e Kosovës, që ia bëri Serbia shtetërore Kosovës, janë aq të mëdha, aq të thella, dhe aq të gjera, sa duhet përshkuar udhë të gjatë brezash shqiptar, për të pranuar faljen, dhe pajtimin me serbët!
Bashkimi Shqipërisë nuk ka zëvendësim! Bashkimi i trojeve tona do të ndodhë me patjetërsi! Mbase, vetëm atëherë do të kemi një Shqipëri të të gjithë Shqiptarve!..
