Puna jonë për atdheun prej viteve të tjera është më e pakët

12801449_1575698866088398_791164252294482576_n

12301542_579872425493862_5073383181961084240_n

Shkruan : Brilant Gashi


Po të krahasojmë kombin tonë me vitet e shekullit të kaluar (pra atij XX) dhe me vitet e sotme të shek. XXI , do të shohim se ne nuk jemi më shumë të angazhuar për kombin tonë , që të punojmë për një Shqipëri demokratike dhe të pavarur , pra nuk bëjmë më shumë për kombin .
 
Arsyeja që më nxiti t’a shkruaj këtë është se ne nuk jemi të përkushtuar për të punuar më shumë për kombin tonë dhe të arrijmë t’a mbështesim sa më shumë Shqipërinë Etnike që na është mohuar më 1913 dhe na është shndrruar në Shqipëri Londineze , që ne e kemi edhe në këto ditë , ku patriotizmi ynë nuk është në nivelin e duhur si ishte 100 vite më parë .
 
Mundemi të themi lirisht se ne nuk jemi duke punuar shumë , por aspak nuk jemi duke punuar për Shqipërinë , që ne e dëshirojmë t’a kemi dhe këtë Shqipëri t’a bëjmë realitet si duhet të jetë më së miri dhe historia , njëherë e mirë të rishkruhet përsëri , për rishkrimin e historisë e kam fjalën për ribërjen e Shqipërisë sonë Historike , me të gjitha trojet e bashkuara .
 
Epo këtë gjë e duam ne shqiptarët dhe këtë gjë nuk arrijmë t’a bëjmë dot dhe nuk mundemi dot t’a bëjmë . Po cila është arsyeja ?
Problemi është se ne nuk jemi duke i’a lejuar vetes këtë gjë . Uni ynë thotë se ne nuk jemi kurrë për një bashkim të mundshëm kombëtar .
 
Në vitet e shekullit të XX , ndjenjat tona patriotike , ishin më të mëdha dhe kjo na vërtetonte se ne e duam një Shqipëri etnike me të gjitha trojet e bashkuara dhe me një ideal të pastër kombëtar . Kjo ishte ajo se cfarë ne dëshironim të realizonim .
 
Pushtuesit e ndryshëm na sillnin në një varfëri ekstreme dhe kjo varfëri nuk mund të hiqej assesi sepse pushtimet shumë-shekullore e kanë të pamundur që të fshehin varfërinë ekstreme por me një rimëkëmbje të fuqishme mund të arrihet qëllimi ynë .
 
Ishim dhe jemi një komb i vjetër por në të kaluarën nuk patëm pavarsi dhe duhet që të bëheshin shumë gjëra për të arritur një popull që dëshiron .
 
“Gjumi i rrit fëmijët , por kjo nuk mund të thuhet për popujt . Një popull , që fle vdes” – Ismail Qemali .
 
Ne e arritëm Pavarsinë që e dëshironim më 28 Nëntor 1912 dhe e shpallëm mëvetësinë e Shqipërisë sonë . Dhe përnjëherë ditët e këqija na erdhën dhe trojet tona u ndanë në pjesëza të vogla në të cilat , ne as nuk i njohim këto pjesëza të historisë .
 
Shqiptarëve të Kosovës e sidomos të Shqipërisë i interesonte për bashkimin e të gjitha viseve shqiptare në një shtet të vetëm dhe kjo ishte dhe mbetet ëndërr e jona , që nuk mund të realizohet pa bërë ndonjë referendum apo ndonjë traktat për bashkimin e trojeve shqiptare .
Shperndaje ne

The Author

Brilant Gashi

Përgjithmonë Shqiptar ...

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.