1
———————————
Që nga shqiptarët e lashtë
deri te shqiptarët e sotëm
këtë tokë e kemi atdhé
këtë tokë e kemi Shqipëri
Fushës epike të Kosovës
sot bëhet luftë e madhe
luftë për vetmbrojtje, dhe
luftë për bashkim trojesh
Liria nuk ka zëvëndësim
ajo rrënjët i ka të thella
në jetën e 130 shekujve
në qenien e gjithsecilit
Në këtë luftë të shenjtë
lavdi atyre që ranë dje
lavdi atyre që bien sot
lavdi të gjallëve të pa rënë
2
———————————
Në kuvendet për luftën
ku merrnin pjesë malet
burrat në flamur betoheshin
betimin e merrnin me vete
Një kafshatë bukë për gojën
një kafshatë bukë për luftën
pak vaj dhe pak barut
ishte himni i Azem Galicës
Në gjeopolitikën e gjerë
Kosova ka tërësinë e saj
qytetin , fshatin , lagjet
dhe shkrimshkronjat e saj
Në të tërë këtë gjeografi
lirinë po e shkruajmë me
gjak, s´e populli Kosovës
nuk ka tokë për të falur!.
3
——————————
Luftën që unë e drejtoj
U fliste Azem Galica
Kosovën e bën mëvete
Shqipëri të përjetëshme
Bashkëluftëtarë të mi
ky vend i ka të gjitha
pasurinë dhe mençurinë
dhe t´ardhmen e sigurtë
Shokë të mi të luftës
detyrat bëni gjithsecili
kujdes me të plagosurit
lufta s´ bën të ndalet
Jo o Azem Galica, jo
Shpellën e Çukës e di
aty është panteoni ynë
prehja e eshtrave tanë
4
——————————
Shkretimi më i madh
që i ndodhë një populli
dhe që ia merr frymën
janë pushtimet e huaja
Në ugarin e kësaj lufte
Shprehe Ahmet Delia
ne bëjmë detyrën tonë
për vete dhe për brezat
Kosova i ka të gjitha
pasuritë dhe kulturën
Draftin e Azem Galicës
për Kosovën Shqipëri
Ku e kam Dardaneshën
trimen e Radishevës
ma thirrni këtu Shotën
se dua të flas me të!
5
——————————–
Shotë, Kosovën e duami
të lirë, dhe të bashkuar
Arbërinë tonë të vogël
duhet ta çlirojmë se s´bën
Në gjeopolitikën globale
Kosova ka historinë e saj
gjuhën nga më të lashtat
shkronjat nga të përparuarat
Në 10 mijë vjet pellazgji
dhe në tre mijë vjet Iliri
Kosova i ka 100 lufta
dhe rreth 200 kryengritje
Mbi këtë tokë betejash
ne i bëjmë nder atdheut
se luftën e gjithsecilit
liria e bën të dukshme
6
——————————-
Shotë, tani prijë luftës
Azem Galica jam plagosë
Ia jep pushkën e vet, dhe
me trimat të jesh bashkë
Miq , shokë , luftëtarë
liria s´ ka zëvendësim
nëse plaga m´keqësohet
më hidhni në greminë
Kosova i ka të gjitha
njerëzit që atë e duan
se kjo tokë e Kosovës
Shqipëri është për jetë
Kosovë e gjakut të lirisë
Kosovë e gjakut të luftës
eshtërat vetë i mbjellim
sa herë na e shkelin tokën
7
——————————-
Prej qëmoti është thënë
liria është tepër e kuqe
të kuqtë e saj prej gjaku
s´ka alkimi që e fshinë
Fol Azem Galica, fol
nuk do të vdesësh tani
nga Shpella e Çukave
do na prijsh si n´legjenda
S´ jam luftëtarë i vonë
as mosha s´më ikur, jo
damarët i kam plot gjak
por, një plumb m´ka zënë
Nuk vdesë Azem Galica
të gjithë do të punojmë
që Kosova të çlirohet
me duart më të bukura!..
8
——————————
Kosovë, e bukura arbrit
mbahu, jepi gjak tokës
që Ushtri e Serbit , të
mos kthehet kurrë këtej
Me të mbjellat të gjakut
Kosova ka plot histori
beteja nga të ndryshmet
dhe trimëri të çuditshme
Nën qiellin e Kosovës
ku rritet zemër e lirisë
Kosova i ka të gjitha
qytetin, fshatin, tërësinë
Ky flamur me Kuq e Zi
veten s´lejon nën Serbi
këtë shqipe në flamur
e ka vu trimi në Krujë!..
9
———————————-
Ku je o trim, Ahmet Delia
pse po heshtë, e s´po flet
kam pak gjak sot në thembër
luftën né s´ bën ta ndalim
Ashtu është o Azem Galica
luftën né do ta vazhdojmë
Toka e vendi ty të besojnë
Azem, serbi ty ta ka friken
Ahmet, merre Shotën dhe
shkokët, prini tani betejave
heshtja armëve në këtë çast
asesi nuk guxon të ndodhë
Në këtë luftë për liri, tërë
dashurinë ia dhashë tokës
eshtrat hidhmëni në shpellë
Aty më pëlqen të prehem!..
10
———————————
Odat tona nëpër Kosovë
për secilën betejë flasin
varfëria na ka ligështuar
të arrestuar kemi shumë
E kaluara s´ kthehet më
e sotmja do gjakun tonë
plumbi digjet me krisma
lufta përcillet me jehonë
Liria nuk ka zëvëndësim
lavdi atyre që ranë dje
lavdi atyre që bien sot
lavdi të rënëve të pa rënë!..
