Jeta për Atdheun (shkrimi #3)Shqiptarët si popull i lashtë , gjithmonë kanë pasur si një traditë të madhe mikëpritjen edhe të mikut , edhe të armikut . Unë mendoj se edhe në këtë ditë , është duke u zbatuar kjo traditë e madhe , që na mburr kombin dhe popullin tonë .
Ne si shqiptar të bashkuar ose si shqiptar etnik , e kemi dhënë besën , që do t’a bashkojmë Shqipërinë etnike , nga Nishi deri në Prevezë . Këtë objektiv , ne duhet ta kemi si një qëllim të shenjtë dhe ne nëse jemi të bashkuar , padyshim , do t’a arrijmë që t’a realizojmë këtë qëllim .
Shqiptari , sa herë që bëhet gati për gjumë dhe flenë , i del në ëndërr , imazhi i madh dhe i bukur i Shqipërisë etnike .
Ne jemi harta më e dhimbshme e Gadishullit Ballkanik dhe populli , që nuk e di historinë tonë , duhet t’a dijë se përse jemi harta më e dhimbshe e këtij Gadishulli , që sot quhet Ballkanik .
Arsyeja se përse jemi harta më e dhimbshme në botë është , se ne si popull , kemi dhënë shpirtin , kemi derdhur gjakun tonë për këtë vend , që më vonë bënë padrejtësi me tokat tona , bënë padrejtësi të madhe , duke ua dhënë këto toka shteteve greko-sllave .
Kjo është arsyeja se përse ne jemi popull më i dhimbshëm i Ballkanit . Sepse padrejtësitë e tyre për vite e shekuj me radhë nuk kanë mbaruar kundër nesh , dhe këta nuk e kanë ndërmend , që t’i ndalin padrejtësitë e tyre kundrejt nesh . Këto padrejtësi për shqiptarin nuk njohin moral .
Zoti e bekoi popullin shqiptar , i dha ushqim dhe i mbajti me këmbë në tokë , në tërë jetën tonë sa egzistojmë si një komb 7 milionësh . Por në anën tjetër , zoti na dënoi , duke na ardhur dhe shkuar pushtues nga më të ndryshmit .
Perandoria Osmane ishte këtu 5 shekuj në trojet shqiptare , 500 vjet padrejtësi , pse të mos thuhet edhe analfabetizëm dhe 100 vjet pushtim nga sllavët e egër . Sllavët , këta zaptues dhe vjedhës të tokave tona .
Erdhën dhe shkuan pushtuesit dhe erdhi dita , që më 28 nëntor 1912 të shpallet Pavarësia e lavdishme e Shqipërisë . Por , pas shpalljes së Pavarsisë , populli ynë humbi mendjen dhe nuk pritej , që Fuqitë e Mëdha të na kthenin shpinën në atë mënyrë , siç na e kanë vepruar para 103 viteve . Kështu Austro-Hungaria na dha pavarsinë dhe njëkohësisht e krijoi shtetin e ri Shqiptar .
Një shtet , që më vonë u bë edhe si harta më e dhimbshme e Europës .
Kosova , Malësia e Madhe , Sanxhaku dhe e lumja Çamëri , na u bënë hartat më të dhimbshme të Europës , harta , që janë si harta të padrejta , dëshmi të padrejtësive ndaj trojeve shqiptare , Harta , që nuk duhet të jenë në hartën politike të Ballkanit .
Pse shqiptarët duhet të bashkohen ? Sepse shqiptarët , janë të krijuar , për të qenë të bashkuar . E di se armiqët , nuk mund të na kapin kurrë përsëri sepse ata në këtë kohë , akoma kanë qëllime hegjemoniste të këqija ndaj kombit shqiptar . Kjo është arsyeja , se shqiptarët , duhet të jenë të bashkuar .
Kur ne ishim të bashkuar , dielli rrezonte shumë bukur , dhe rrezet e tij ishin shumë të forta . Kur ne u shkëputëm nga nëna jonë , edhe Dimri dhe acari i tij ishte shumë i fortë . Reshjet e borës nuk ndalonin , që nga koha pas Konferencës së Londrës , kur ne u ndamë e u bëmë copa-copa .
Edhe pse në këtë verë , dielli rrezon , shqiptarët duhet t’a ndjejnë se është një acar i madh e i ftohtë në këtë diell . Armiqët tanë , nuk mund të na kapin në mes këtij acari sepse ne ishim me zemër dhe me mendje të fortë .
