KUR VJENA FLET SHQIP
Dje Shoqata Demokratike Shqiptare “Çamëria” , me qendër në Hollandë, organizoi në Vjenë, ( kryeqytet i Austrisë ), një Demonstratë të fuqishme për njohjen e Gjenocidit grek ndaj shqiptarëve çamë dhe arvanitë të Çamërisë, dhe për njohjen e Republikës së Çamërisë.
Po japim fragmente të tekstit, të Kryetarit të përgjithshëm të SH.D.SH.Ç. qendra në Hollandë, zotëri Rrustem Gecit, dhe përfaqësues i Shoqatës, në Qeverinë e Republikës së Çamërisë.;
Jemi në Vjenën historike të kombit tonë, në Vjenën historike të 1912-ës, u tha Rrustem Geci të pranishmëve, kur plaku i urtë Ismail Qemali, mori përkrahjen dhe ndihmën e këtij shteti të nderuar, për të shpallur Pavarësinë e Shqipërisë.
Prandaj, edhe né sot jemi këtu në Vjenën mike të kombit tonë, sërish pas 1 qindvjetësh, po për halle të atdheut, për të kërkuar nga Qeveria dhe Parlamenti Austriak, që ta na njohin Qeverinë e Republikës së Çamërisë, të shpallur në Hagë të Hollandës, me 30 tetor 2016.
Vëllëzër dhe motra; Shqipëria në Greqi ka 17 mijë e 5 qind kilometra tokë shqiptare, që nga viti 1912 e këtej. Shqipëria në Greqi ka mbi 4 milion çamë dhe arvanitë. Prandaj, historia na e jep të drejtën të kërkojmë tokën tonë dhe të luftojmë për të. Greqia ndaj shqiptarëve dhe arvanitëve, dhe ndaj vëllëzërve tanë të një gjaku, i ka shkelur të 10 pikat e Konventës Ndërkombëtare për të Drejtat e Njeriut.
Nëse Greqia nuk liron tokën tonë, dhe nuk flakë mendësinë gjenocidiste të saj ndaj shqiptarëve të pushtuar të Çamërisë, aherë, Ushtria Çlirimtare e Çamërisë, do jetë ajo që do ta jetësoj Bashkimin e Çamërisë me Shqipërinë, dhe pjesët e tjera të atdheut.
Në këtë Demonstratë për njohjen e Republikës së Çamërisë folën Kryeministri i Republikës së Çamërisë, zotëri Festim Lato, dhe Margarita Kola, Ministre e jashtme e Republikës së Çamërisë. Edhe z. Lato, edhe zonja Kola, i kërkuan Greqisë ta njoh gjenocidin grek ndaj çamëve dhe arvanitëve, rikthimin e çamëve në tokat e tyre, dëmshpërblimin njëqindvjeçar për pronat, dhe njohjen e Republikës së Çamërisë, nga Qeveria Greke.
Kryeministri i Republikës së Çamërisë z. Lato shpalosi para të pranishmëve prioritetet e Qeverisë së tij. Sipas Kryeministrit Lato, prioritet kryesor për Qeverinë e tij do të jetë, 1 . Njohja e Republikës së Çamërisë nga ndërkombëtarët,, dhe 2 . Aktivitetetet demokratike, po edhe organizimi i forcës së Mbrojtjes, forcimi i Ushtrisë Çlirimtare të Çamërisë, të themeluar me 30 tetor, 2016.
Republika e Çamërisë u tha në këtë Demonstratë u lind, 5 mijë vjet pas Diskut të Lesbosit, 2 mijë e 5 qind vjet, pas mbretërimit të Pirro Burrit, dhe 6 qind vjet pas mbretërimit të Epirit, nga Princi i Arbërit, Gjergj Kastrioti – Skënderbeu.
Në këtë Demonstratë u brohoritën këto parulla; Rroftë Republika e Çamërisë! Rroftë Ushtria Çlirimtare e Çamërisë! Rroftë Kryeminstri Festim Lato! Rroftë UÇÇ-ja! Çamëria është kombi! Shqiptarë, mos bëni gjumë, zgjohuni! Me këtë rast, Qeverisë dhe Parlamentit Austriak ju dorëzua, kërkesa për Njohjen e Republikës së Çamërisë, dhe Njohjen e gjenocidit grek të bërë nga Greqia, ndaj shqiptarëve në Epirin e Ilirisë- Çamëri, që nga vitet 1912 e deri më sot.