PËR TY, DËSHMOR!
(13-VJEÇARIT KUSHTRIM JASHARI)
Tëndën jetë-
Atdheut dhuratë
Në këtë qiell arbëror
Ndrit si meteor
Qëndresa jote-
Premtuese për fitore
Ngadhënjyese luftrash prore
Ti, Kushtrim Jashari-
I lirisë sonë-
Farkëtar
Trim dhe sypatrembur-
I vërtet shqiptar
Me fuqi vigani
Dhe zemër luani
Disfatë s’njohe kurrë
Me gjakun tënd t’kuq
Ia freskove fushën
Shqipes në Flamur
Para tëndit varr-
Epitaf i gjallë:
-Kosovë, kush jetën ta ngjalli
-13-vjeç Kushtrim Jashari
Linde për t’u flijuar
Për këtë atdhe
Këtë tokë të bekuar
Ti, o vëllai im-
Kushtrim zemërtrim
Lirinë na e solle
Gjer te yjet emrin
Atdheut ia lartësove
