JO, JO, EMRA KANË…
Emrat i kanë Yje
Meteorë i kanë
Bijtë- ushtarë të popullit
E sot dëshmorë janë –
Ata që pushojnë shesheve
N’shtatore kryelartë
Sheqer i kanë emrat
Emrat i kanë mjaltë
Me duf guximtari
Në ballë të atdheut
Ruajnë krenarinë
Bijtë e Skënderbeut
Kurrë mos mendoni
Se ata s’kanë emra
Jo, jo, emra kanë
T’skalitur në zemra
Dëshmorët e Kombit
Krenaria jonë
N’mermer u shndërruan
Pavdekësinë fituan
