Shkruan : Brilant Gashi
Aty ku ka luftë , duhet të ketë paqe . Aty ku ka fitues në betejë , duhet të ketë edhe humbës . Lufta sjell vdekjen , plagë dhe dhimbje në të gjitha anët dhe këtu nuk mund të ketë assesi paqe ! Njerëzit vdesin si plehra dhe askush nuk jep përgjegjësi për vrasjen e njeriut sepse të gjithë dëshirojnë të mbrohen dhe të jenë mburojë e familjes së tyre . Kjo është lufta .
Zoti i krijoi kombet vetëm për të bërë barazi në botë dhe në një mënyrë ai e arriti . Por në ditët e këtij shekulli , në botë nuk ka barazi edhe nëse ka kombe ! Edhe sot njerëzit janë të çmendur duke u vrarë në mes vete dhe duke kryer vëlla-vrasje . Këtë kod primitiv e ka edhe kombi shqiptar ! Nuk do të mund të ketë paqe në këtë botë të mallkuar sepse edhe njerëzit janë të gjithë të prishur .
Njerëzit janë të të gjithë kombeve ! Njerëz janë edhe shqiptarët . Në fillim të krijimit të tokës , në skenë u paraqitën edhe shqiptarët . Zoti që në fillim e dinte se shqiptarët duhet të egzistojnë si popull i lashtë në Gadishullin Ballkanik .
Dhe kështu ai na krijoi siç është më së miri . Shqiptarët janë ai popull , që shumë herë e kanë parë vdekjen me sy dhe nuk i janë trembur asaj . Edhe pas shumë luftërave , identiteti ynë nuk u ndryshua . Ky identitet u fuqizua edhe më shumë .
Nëse i godet shqiptarët njëherë , ata do të bëhen edhe më të fortë sepse kjo duhet të jetë në gjenin tonë . Ky popull është shumë këmbë-ngulës dhe kokë-fortë .
Gjatë tërë shekujve , tek populli ynë mbizotëronte vetëm tradhëtia e madhe dhe shqiptarët , të cilët ishin shumë të fortë , e duronin dhimbjen e kësaj plage të madhe . Të tjerët mund të thonë se është e pamundur të bësh një gjë të tillë , siç bëjnë shqiptarët . Por e pamundura nuk egziston për shqiptarët .
Ndarja jonë ishte një dhimbje tjetër dhe më e madhe për popullin shqiptar ! Na u ndanë tokat në mënyrë më djallëzore nga “mbretërit” e Europës . Ata ishin vetëm për fqinjët tanë shovinistë dhe bënin të pamundurën të na poshtëronin në sy të botës dhe akoma nuk kishim drejtësi .
Pas ndarjes së tokave tona , më vonë , pasoj edhe një dhimbje tjetër më e madhe dhe kjo dhimbje ishte holokausti i vërtet i ndërgjegjës humane . U derdh gjaku ynë vetëm për pak liri dhe tani e kemi . Por tani për fat të keq jetojmë në robëri !
Nuk mund t’i paramendoj lotët e nënave , ato lotë të dhimbjes së vërtet . Ato lotë ishin për dëshmorët e kombit , që ranë për të na çliruar tokat tona . Eshtrat e tyre nuk mund të prehen akoma në paqe sepse ne po jetojmë në një varfëri dhe robëri ekstreme .
Ata që nuk e njohin dhimbjen , nuk do t’a kuptojnë kurrë se çfarë është paqja e vërtet . Ne e njohim dhimbjen dhe me kalimin e kohës , kjo dhimbje u shndërrua në urrejtje të madhe për armiqët tanë . Ne shqiptarët nuk e dijmë se çfarë do të thotë “paqe e vërtet sepse nuk e kemi shijuar këtë paqe . Sepse ne jemi të ndarë tmerrësisht dhe nuk e dijmë këtë paqe .
Tani për tani , shqiptarët e lashtë jetojnë në një errësirë , që i ka kapluar prej atij momenti , që ne kemi qenë në liri ! Kjo është errësira e vet shqiptarëve .
I lutem zotit tonë i cili flet shqip , që t’a mbroj atdheun tonë siç e ka mbrojtur Arbërin Gjergj Kastrioti . Zot , të lutem që të na mbrosh dhe të na bashkosh në një shtet të vetëm dhe t’i japësh fund kësaj vuajtjeje dhe dhimbjeje shqiptare .
Ne nuk do të dorëzohemi kurrë në aspiratën tonë për bashkim fizik e shpirtëror me mëmën Shqipëri .
