(shkrim me shkas)
Gjatë luftërave dhe kohërave të lashta , njerëzit kanë luftuar ndërmjet vete , vetëm për të pasur bukën e gojës . Popujt kanë luftuar kundër njëri-tjetrit për të mbrojtur , por edhe për të grabitur tokat e njëri-tjetrit , derisa erdhi paqja e “vërtet” në këtë botë . Ai që e ka krijuar këtë paqe është shpëtuesi i kësaj bote .
Edhe populli dhe fiset ilire kanë luftuar ndaj armiqëve për të mbrojtur trojet e tyre dhe për t’i marrë trojet e tyre nga dora e këtyre barbarëve , të cilët plaçkisnin dhe vrisnin njerëz të pafajshëm . I vrisnin ilirët tanë pa pasur kurrfarë faji .
Gjatë tërë kësaj kohe , Kosova dhe Shqipëria ishin një . Askush nuk guxonte të na prekte kufirin , që më vonë , do të bëhej i gjithi me gjakë shqiptari . Asnjë shqiptar nuk merrte guximin të thoshte “Kosova është Kosovë” apo “Shqipëri është Shqipëri” . Ai që e thoshte këtë , ishte vetëm tradhëtar dhe spiun i armikut . Ose ishin të detyruar nga dikush për të thënë kështu .
Pastaj , pas Shpalljes së Pavarësisë së Shqipërisë , më 1913 , Kosova u nda nga Shqipëria dhe pothuajse për një shekull të plotë , ne u bëmë vatër e përgjakur nga shovinistët serbë . U bëmë gati që të jepnim edhe jetën për Kosovën tonë të dashur dhe këtë Kosovë martire .
Merrnim pjesë në tubime dhe demostrata anti-sllave për të kërkuar njëherë e mirë të drejtat tona kombëtare dhe njerëzore , për çlirim dhe bashkim të menjëhershëm me Shqipërinë mëmë . Gjithashtu , ishim gati edhe për më të keqen .
Disa vite më vonë , më 28 shkurt 1998 , filloi edhe konflikti i madh ndërmjet nesh dhe sllavëve , ku zgjati për një vjet , por ditët dhe muajt e këtij viti , ishin ferri i vërtet për ne shqiptarët , deri në atë ditë kur më 12 Qershor 1999 , forcat ajrore të NATO-së dhe Amerika , erdhën në Kosovë dhe na shpëtuan . E shpëtuan këtë tokë shqiptare , e shpëtuan edhe rininë shqiptare .
Kurse sot , e kemi edhe ne lirinë tonë dhe një sovranitet të leckosur . Nëntë vite shtet për shtetin e dytë shqiptar , por për fat të keq edhe jo shumë zhvillim i madh i mirëfilltë ekonomik .
Më 24 Mars 1999 , dita e premte , luajtëm një ndeshje futbolli kundër Islandës , e cila ishte e vlefshme për kualifikimet për botërorin “Rusi 2018” .
Por për fat të keq , pësuam një humbje tjetër dhe kështu ne i humbëm shpresat tona për t’u kualifikuar .
U ndjeva edhe më keq , kur e pash atë banderolë të shëmtuar nga tifozët “kosovar” “Kosovo is Kosovo” . Kjo banderolë më lëndoi thellë në zemër . Medet për këtë popull !
Banderola e lartë-përmendur është tërësisht një gjest anti-kombëtar dhe besoj se kjo është e nxitur nga qarqet pansllaviste . Kjo i përmbush edhe më shumë dëshirat shoviniste të atyre . të cilët kërkojnë të formojnë kombin “kosovar” .
Ajo që dua të them është se projekti i Shqipërisë së Bashkuar , e hedh poshtë atë dëshirë për “kombin kosovar” dhe kërkon që të gjithë shqiptarët , duhet të bashkohen dhe me bashkim të tyre , të arrijnë t’a realizojnë bashkimin tonë Kombëtar . Kjo është ajo , që duhet t’a dijmë si histori .
Na marrtë djalli po deshëm që të krijojmë një komb anti-shqiptar ! Ne duhet që të bëjmë kërkesën tonë , që të bëjmë bashkimin e menjëhershëm të ligave sportive shqiptare në një ligë të vetme .
Le të kalojnë gjithë këto vite të errëta dhe të hiqet ky mallkim i shqiptarëve . Për më tepër : Siç thoshte edhe Lasgush Poradeci , Mos e pifshim këtë gotë pa u bashkuar me Shqypninë . Rrnoftë Shqipëria e Bashkuar .
