TOKA E JONË E MOÇME TRURI I TRURIT SUPREM
Thesprotia, toka e jonë e moçme, mba ne gjirin e saj të ngrohtë historitë e lashta! Nga kjo tokë lindi historia e lashtë, luftërat mitike e mitologjike, këtu u brumos truri më inteligjent nga i cili kanë rrjedhur zeje të ndryshme, shkenca, arte muzikore, pikturale e letrare, arti ushtarak, qytetërimevet e njohura botërore me zanafillë të moçme nga ky truall! Këtu e ka vendlindjen edhe perëndesha Athina që sipas mithologjisë ajo lindi nga koka e Zeusit të Dodonës; truri i trurit suprem. Pra ky tru sot nuk duhet të jetë në gjumë, ai duhet të zgjohet sa më parë nga gjendja e gjysmëvdekjes. A nuk ishte në mitologji gjumi vëllau i vdekjes? Kështu, gjendja letargjike e trurit shqiptar e rënduar edhe me veprime dhe medikamente të tipit narkotik e bëjnë trupin e palëvizshëm, të pandjeshëm deri në atë shkallë sa edhe kur ta presin mishtë ti se ndjenë, andaj dhe nuk reagon. Sa më parë të zgjohemi nga gjumi letargjik aq më mirë do të ndjehemi, sa më herët ta vëmë në funksion të dobisë kombëtare aq dhe ma me sukses do ta përmbushim amanetin e të parëve!