Shkruan : Brilant Gashi
Dua të shkruaj më shumë se sa duhet për këtë tokë edhe pse do të jetë e tepruar me këtë , qëllimi im është që t’i dal vetëm zot tokës ku jetoj dhe do të jetoj në të ardhmen . Do të jetë vështirë ndoshta të jetosh këtu , por edhe nëse jeton në vendet e zhvilluara (me fuqi punëtore) nuk do të kënaqesh siç je kënaqur në fëmijërinë tënde , në atdheun tënd .
Një tokë e përgjakur , gjithmonë do të ketë plagët e veta , të cilat nuk mund të zhduken kurrësesi dhe nuk harrohen edhe pse tenton që t’i harrosh . Dhimbja e përjetshme që bart populli ynë është vet arsyeja që nuk mund t’i harrojmë plagët e luftës , të cilat i kemi marrë nga dëshira për të ruajtur dashurinë e atdheut ndaj nesh . Mos të lejojmë që kjo dashuri të shndërrohet në një urrejtje për këtë tokë .
Mos të harrojmë që toka ku kemi lindur dhe jemi duke u zhvilluar të bëhet vatër e korrupsionit , hajnisë , injorancës dhe e prostitucionit ! Nëse ndodh kjo , atëherë e pati Kosova ime .
Për çka luftuam ?
Luftuam për të pasur këtë gjendje që kemi tani , apo jo ? Përse u derdh gjaku ynë si shqiptarë ? U derdh që më vonë dëshmorët tanë të vdisnin urie nëpër burgjet shqiptare ! Ky nuk ishte vizioni ynë . Ai vizion ishte ndryshe apo mund të themi , ky vizion për të qenë të lirë dhe për të punuar fortë për të ardhmen e vendit tonë nuk është më .
Atëherë në vend të gjërave negative që ndodhin në vendin tonë , përse nuk sjellim dhimbjen që kishim njëqind vite më parë dhe dhimbjen tjetër që e kishim 19 vite më parë ? Ajo dhimbje preku në tel plagët që kam në trup për dy mijë vite . Edhe pse koha shëron plagët , për një popull me histori të lashtë dhe pikëlluese , kjo thënie nuk ka kuptim sepse vet e kaluara nuk e lejon të ndodh një gjë e tillë . Një e kaluar , që më vonë do të na shërbej si mësim për të ardhmen .
Për një popull si ne , duhet që të lëndohemi nëse duam të dijmë , të biem nëse duam që të ngritemi , të humbim nëse duam që të zhvillohemi , sepse mësimet më të mëdha të jetës sonë si popull i lashtë janë të mësuara përmes dhimbjes . Kjo duhet të jetë motoja jonë për të vazhduar jetën tonë .
Pse duhet t’a vritni ardhmërinë tonë o kriminela , që nuk dini se cfarë të jeni tjetër . Përse duhet që lulet tona të rinisë të ndalohen së rrituri . Në Francë vritet Florenci ynë shqiptar atëherë pse vritet Auloni dhe Shkëlqimi në Kosovë ? Hapini sytë sepse këto mangësi duhet të zhduken nga kjo Kosovë shqiptare .
Na udhëheqin pasanikët e varfër në mendje , disa kriminelë , të cilët nuk kanë asnjë meritë të luftës së lavdishme të UÇK-së . William Walker kishte të drejtë : “Klasa politike e pas-luftës duhet të hiqet përgjithmonë .”. Atëherë kush duhet të vijë në vend të tyre (?) të lutem na trego o e fuqishmja Amerikë !
Në një vend ku flaka e shpresës është shuar , ai vend nuk e ka forcën për të jetuar . Pa dallim feje e kombi , një vend dhe njerëzit e tij kanë për detyrë të bëjnë më të mirën për një të ardhme të shkëlqyer . Kjo është e vetmja vijë e mbrojtjes sonë .
Këto fjalë u shkruan në nder të tokës sime të përgjakur . Fjalë të shkruara nga thellësia e zemrës , fjalë me gjakun e derdhur të UÇK-së . Shpresoj që këto fjalë do të shërbejnë si mësim për ne .
2018
