E kaluara e hidhur ! Masakra e Filatit

Shkruan : Brilant Gashi

Bota kundër shqiptarëve (shkrimi #8)
 
Duke filluar nga Masakra e përgjakshme e Selanit , gjenocidi i madh në Çamëri po merrte vrrullin e vet shumë të madh . Shqiptarët po vriteshin nga andartët grekë dhe askush nuk jepte llogari rreth kësaj masakre .
 
Çamëria ka pasur një të kaluar të hidhur për një shekull . Disa vriteshin në mënyra më shtazarake , kurse disa të tjerë vriteshin duke lënë vatrat e tyre dhe duke marrë udhën e emigrimit drejt Shqipërisë .
 
Ka edhe shumë masakra të tjera , të cilat grekët mundohen që t’i fshehin . Ata nuk mund t’i fshehin këto të vërteta sepse e vërteta nuk mund të fshihet dhe është e vetmja gjë , e cila nuk mund të thuhet para publikut .
 
Filati është qytet në Çamëri . Gjatë viteve të errëta të luftërave , në këtë vend shqiptar kanë ndodhur masakra , të cilat janë kryer me përpikmëri nga egërsirat e mëdha të qenit Napoleon Zervas , por për çudi askush nuk i përmend këto krime të bëra në këtë vend të bukur shqiptar .
 
Çamëria është e njohur për nxjerrjen e shumë luftëtarëve të mëdhenj , të cilët kanë lënë gjurmë të pashlyeshme në çështjen e madhe çame . Pikërisht , Filati është i njohur për nxjerrjen e këtyre luftëtarëve të Çamërisë .
 
E kaluar e hidhur por njëkohësisht shumë e vërtet . Po t’i shpalosim këto masakra dhe dokumente përpara botës , atëherë kjo botë e mallkuar , do t’a shoh Greqinë si një vend i krimeve makabre .
 
Zoti duhet t’i fal shqiptarët sepse ata nuk patën kohë t’i shpalosin këto të vërteta në kohën kur duhet të shpaloseshin . Për shkak të kësaj vonese , ne jemi mbrapa me çështjen çame edhe pse e dijmë faktin që dosja e historisë çame është në Hagë .
 
Gusht 1944/ Vetëm në fshatrat Gardhiq , Dragoni , Kaninë e Karbunarë u vranë mbi 600 tregtarë , bujq e familjarë të tyre ndër ta 150 gra e fëmijë . Mbi 400 të tjerë në Filat e katundet përreth , prej tyre ishin 150 tregtarë .
 
Të dhënat zyrtare që vijnë përmes raporteve të hartuara me ndihmën e UNCHR-së , paraqesin dëshmi rrënqethëse të masakrave greke ndaj popullsisë çame . Në raportin e vitit 1945 , paraqiten fakte e shifra të vrasjes së popullsisë çame , burra gra e fëmijë .
 
Detaj i rëndësishëm është edhe shifra e vrasjes së tregtarëve çamë e familjarëve të tyre . Në vitin 1944 vetëm në fshatrat Gardhiq , Dragoni , Kaninë e Karbunarë u vranë mbi 600 tregtarë , bujq e familjarë të tyre ndër ta 150 gra e fëmijë . Një tjetër masakër e tmerrshme është ajo e qytetit të Filatit e katundeve përreth ku vranë mbi 400 vetë , ndër ta 150 gra e fëmijë . Në masakrën e Filatit u vranë rreth 150 tregtarë .
 
Në raport ka shifra jo vetëm për viktimat , por edhe për pasuritë që popullësia çame la pas në trojet e veta , pas genocidit të Napoleon Zervës . Dokumentet bëhen me dije në raportin e Këshillit Nacional-Çlirimtar me monitorimin e UNCHR-së , pasi popullsia çame kishte në atë kohë statusin e refugjatit .
 
Në informacionin që koloneli britanik Vuthaus i dërgonte Londrës në fundmarsin e vitit 1945 , midis të tjerave shkruante tekstualisht:
 
“Nisur nga Misioni Aleat që drejtova , ju bëj me dije se Zerva i nxorri jashtë çamët nga shtëpitë e tyre më 1944 , shumica e të cilëve mundën të gjenin strehë në Shqipëri . Dëbimi i tyre u krye sigurisht përmes një gjakderdhjeje të madhe . Veprimi i Zervës u ndoq më pas në marsin e vitit 1945 nga një masakër akoma më e madhe , siç ishte kjo e marsit , në Filat , e cila nuk mund të falet .”
 
(Arkivi i Institutit të Historisë – Tiranë .)
 
Më poshtë publikohen dokumente të marra nga Arkiva e Shtetit që japin shifra e detaje të rëndësishme për genocidin grek ndaj popullsisë çame dhe grabitjen e pasurive të tyre .
 
Shperndaje ne

The Author

Brilant Gashi

Përgjithmonë Shqiptar ...

1 Comment

Add a Comment
  1. HAMLETIANE

    Si do që të jetë
    Ky mister
    Kjo enigmë
    Shpirtin na e hëngri
    Ka humbur besimi
    Hamleti – Hamletin
    Fare s’e njeh
    Edhe pse
    Mjegull e errësirë
    Mbi Ballkan (Iliridë)
    Ende mban
    Eklipsi Diellin po e zë
    Cudi sa indiferent je
    E fare thuajse nuk mendon
    Ah Evropë Evropë!
    Si s’të vie keq
    Në truallin tënd
    E në timin autokton
    Sa afër na ke
    Sa larg na mban.

    Nga Halil Preniqi

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.