Nëse zoti është me ne , askush nuk do të na kundërshtoj

Shkruan : Brilant Gashi


Nuk humbasin rrënjët tona (shkrimi #7)
 
Sa zemrën e madhe e kemi ne shqiptarët . Jemi të gatshëm të luftojmë për gjithçka , jemi të gatshëm të luftojmë me ata të cilët e cenojnë territorin e shtetit tonë , jemi gati t’i shpallim luftë edhe shteteve të tjera , vetëm për të mbrojtur atë që është e jona … Por kjo ka ndodhur në vitet e largëta të shekullit XX .
 
Kështu duke luftuar për trojet tona , edhe zoti na dënoi , duke na ndarë në gjashtë shtete shqiptare .
Përse o zot e bëre këtë ?
Më trego se çfarë faji kishim ne që të na ndash .
Ndonjëherë mendoj se nuk ishte zoti ai që na ndau , prandaj i them gjithë botës : Kush jeni ju , që na ndatë ?
 
Për fatin tim të keq , askush nuk më përgjigjet , por unë përsëri them me të njëjtin ritëm dhe përsëri . Askush nuk më përgjigjet !
Ndonjëherë e pyes veten dhe them : Mund të jem gabim edhe unë sepse ka mundësi që shkaktari që jemi ndarë , është pikërisht vetja jonë . Por bie në kundërshtim me vetveten sepse shqiptarët kanë luftuar vetëm për liri dhe për Shqipëri të lirë dhe të bashkuar .
 
Jo jo … ne nuk jemi shkaku , që nuk jemi të bashkuar në një trung , por nuk është as zoti . Ai pret momentin kur shqiptarët do të lënë mënjanë gjërat e këqija dhe do të bashkohen në një shtet . Pra bëhu i mirë , që të jem edhe unë i mirë me ty . Por ne bëhemi kinse jemi të shurdhër dhe në të njëjtën kohë , bëjmë veprime në dëm të kombit tonë të lashtë sa vet jeta .
 
Ilirët janë pasardhës të pellazgëve dhe shqiptarët janë pasardhës të ilirëve ! Kjo është pika e parë e historisë që fëmijët duhet t’a mësojnë dhe gjithashtu të rriten me mendje të shëndoshë si çdo shqiptar kombëtar .
Për dy mijë vite kemi qenë të varfër ! Të varfër nga armiqët tanë , të etur për liri . Tani që jemi të ndarë dhe të lirë , jemi edhe më shumë të varfër dhe në robëri .
 
Edhe zoti i madh duhet të rreshtohet në anën tonë dhe nëse ndodh kjo , askush nuk do të mundet të na kundërshtoj . E gjitha kjo , falë përkrahjes së zotit tonë shqiptar dhe aleatëve të tjerë tokësor . Provo t’a djegësh , përdhosësh , manipulosh , poshtërosh kombin tim , atëherë mundimi yt do të të shkoj kot sepse ne e kemi vetëm përkrahjen e zotit .
 
E kam lutur gjithmonë zotin . Të lutem o zot , mbroje popullin tim shqiptar nga errësira e kobshme e atyre , që nuk na e duan të mirën .
Mbroje këtë popull bashkë me shqiptarët e tjerë dhe përfundimisht , bëhuni rimishërimi i gjithë atyre luftëtarëve të cilët vdiqën vetëm për t’a parë Shqipërinë e bashkuar .
 
Nëse je me ne , të lutem , mos lejo që t’a harrojnë shqiptarët historinë e tyre të pasur . E kemi të vetmin thesar dhe unë nuk duhet e as nuk do t’a lë , që të bie pre e shteteve sllave .
Historia jonë është e vetmja dëshmi që tregon se ne jemi populli i lashtë në Gadishullin Ballkanik , por pse jo edhe në tërë botën .
 
“Shqiptarët duhet të bëhen , para se t’a bëjnë Shqipërinë etnike .” – thoshte gjeniu i letrave shqipe Gjergj Fishta .
“Zot ruaje Shqipërinë nga shqiptarët se nga armiku e mbrojmë vet .” – thoshte Faik Konica .
 
Mendjet e ndritura të kohës sonë , do t’a bëjnë Shqipërinë etnike sepse ndryshe nuk ka edhe shumë mundësi , që Shqipëria që duam ne të bëhet . Këto mendje ndricuese mund të jenë mësues , shkrimtarë , politikanë , publicistë dhe plot njerëz të tjerë me profesione nga më të ndryshmet .
 
Për fund mund të them se harta e Shqipërisë së Bashkuar , do të vendoset shumë shpejtë në të gjitha hartat e botës dhe robëria jonë një shekullore do të marrë fund , duke na bërë bashkë , pa dallime të pista fetare apo partiake .
 
I them gjithë shqiptarëve kudo që ndodhen në trojet etnike dhe në botë : Nëse i madhi zot është në anën tonë , fuqia e armiqëve tanë për të na marrë tokat tona dhe për të na pushtuar do të jetë e padobishme , kështu që të lutemi së bashku , që zoti të na përkrahë në çdo lloj aspekti . Amin !
Shperndaje ne

The Author

Brilant Gashi

Përgjithmonë Shqiptar ...

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.