Mediat Greke: Alexis Tsipras ka firmosur … shkëputjen e Çamërisë pa luftë nga Greqia.

Gazeta greke Kathimerini sot me datën 22 Qershor 2017 ka bërë publike bisedat që u zhvilluan në mbledhjen qeveritare urgjente që thirri Kryeministri Grek të mërkuren me datën 21 qershor. Tema kryesore e mbledhjes ishte “Politikat e reja ekonomike për joshjen e investitorëve të huaj”.

Por, u fol edhe për çështje të tjera, që nuk ishin në axhendën e ditës. Si vizita e Benjamin Nethanjahut në Greqi me 15 qershor, dhe takimi me Cipras në Selanik. (Ku media e Agimit të Artë Eleftheri Ora e ka akuzuar Ciprasin gjatë kësaj jave se Beniamin Netanyahu erdhi në Greqi për të blerë Çamërinë).

I pari që e theu heshtjen ishte ministri i jashtëm grek Nikolas Kotzias, ai ka folur disa minuta për, siç e ka quajtur ai “Festim Lato armiku i momentit për Greqinë”. Ai përmendi vizitat që Festim Lato ka bërë në Parlamentin Europian, si dhe pjesëmarrjen e Festim Latos si President i Republikës së Çamërisë në Edinburg Skoci, në një samit të Organizuar nga Bashkimi Europian dhe O.M.P.E.O.

Disa nga ministrat ngelën të shtangur, dhe kërkuan të dinin kush është ky person, transmeton agjencia e lajmeve Reuters dhe gazeta Kathimerini. Më tej Kotzias foli për përfshirjen e agjencisë Izraelite të Inteligjencës Mossad dhe CIA-s Amerikane në këtë mes, duke thënë se ky njeri, Festim Lato, është agjent i tyre dhe është ngarkuar me punë për të shpërbërë Greqinë. I pyetur më tej se pse deri tani ministria e jashtme greke nuk i ka dërguar notë proteste Tel Aviv-it dhe Uashingtonit zyrtar në lidhje me këtë çështje?

Ai ju përgjigj se i kemi kontaktuar dhe kemi kërkuar informacion, por nuk kemi marrë përgjigje. Panos Kamenos ministri i mbrojtjes të Greqisë deklaroi një informacion të Shërbimit Informativ ushtarak se Festim Lato ka marrë pjesë në luftën e Kosovës me 1999 dhe atë të Maqedonisë me 2001, ku ka patur rol organizativ të rëndësishëm në të dyja luftërat dhe është shumë i rrezikshëm, dhe mund të organizojë një numër të konsiderueshëm “rebelësh” siç e quan ai Ushtrinë Çlirimtare të Çamërisë.

Panos Kamenos kerkoi nga Kryeministri Cipras,”lejen” për shtimin e pranisë ushtarake në kufirin Shqiptar. Por, leja nuk u aprovua, kjo ka ngjallur reagim mes ministrash.

Pas përfundimit të takimit qeveritar lideri i opozitës konservative Kyriakos Mitsotakis me anë të një daljeje publike kërkoi ngritjen e një komisioni, për të bërë publike se çfarë po luhet nga qeveria, në lidhje me çështjen e Çamërisë.

Ai foli se populli helen ka të drejtë dhe nevojë të informohet, dhe la të kuptohet se Cipras ka “sabotuar” Heladën dhe ka firmosur për të lejuar shkëputjen e Çamërisë pa luftë nga Greqia.