VALO TI FLAMUR JABANXhI
Valo flamur ti n’Kosovën e lirë!
Po s’ke asnjë simbol Shqiptarie
Të Fisit, të Lisit apo të Plisit..!?
Do të mbetesh gjithmonë jabanxhi
S’do bëhesh ti për shqiptarët e dlirë
Kurrën e kurrës symbol krenarie!
Dhimshëm t’përshëndesin dëshmorët,
Pyesin e pyesin të luftës dasmorët
Ku është shqiponja dykrenare,
Që ruan kufijtë e bashkon arbërorët
Ata që sot ty të hoqën
Dje në Ty ishin betuar
Kur retë e zeza Dardaninë
N’rrebesh të zi e kishin mbuluar
Tani si shumë po përpiqesh
Po Dardania ka erën për Liri
Në at’erë ti shpejt do digjesh
Nga zjarri Shqipes Kuqe Zi!
© Kasam ShAQIRVELA