Letërsi Kombëtare: Atdhe Geci – I VJESHTËM I KËTIJ ÇASTI

1 019 herë Lexuar
Arkivi i Ҫamërise, Arti dhe Kultura Kombetare, ÇAMËRIA
 
I VJESHTËM I KËTIJ ÇASTI
Në Shqipëri i kam të gjitha kohërat
dheun e t´atës dhe të njerëzve të mi
të mirat e diellit, të ajrit dhe të detit
të gjallët e gjuhës dhe qenien time.
Arbesë o e imja shpirtit dhe zemrës
unë digjem si fletët e mollës për ty
mos e ndalo veten të bësh dashuri,
as mos e braktis kohën për të jetuar.
Lam, merrmi gjinjtë e mi në duar e
përkdheli butë, duaj, e afromi buzët
në buzët e mia dhe shtrëngomë, s´e
dashuria s´gjendet e lirë në natyrë.
Ti, gratë që guxojnë të dashurojnë
si duan, kjo botë nuk është aq e lirë,
shpirt, njihe veten tënde me veten
mos lejo që t´i heqin të drejtat tua,
se gratë që guxojnë të jenë vetvetja,
janë gra poetike dhe me emocione.
Ti, gratë që duan më tepër dashuri,
dhe guxojnë t´i vëjnë në sprovë tërë
asetet e pasurisë së tyre shpirtërore,
realiteti ynë ende ka shumë mjegull
Arbesë, jam i vjeshtëmi i këtij çasti!…
 
Atdhe Geci – Dortmund, 2022
Shperndaje ne
Updated: 24 Prill, 2022 — 05:48

The Author

Atdhe Geci

Rrustem Geci është një poet i njohur. Ai u lind në Roganë të Dardanës. Mësimet e para i bëri në vendlindje, kurse shkollën e mesme e kreu në Gjilan dhe Dardanë. Rrusta u kulturua më tej në Universitetin e Prishtinës, në Fakultetin Ekonomik. Rrustem Geci 15 vjet ishte gazetar, në Radio Televizionin e Prishtinës. Ndërsa pas mbylljes së RTP-së nga regjimi fashistoid serbian ai mërgon në Dortmund të Gjermanisë, ku edhe tani jeton e vepron. Deri më tash ka shkruar dhe botuar 17 vepra; 1. “Demonstratat e luleve”, 2. “Antolologjia personale" 3. “Jeta në Letër”, 4. ”Mielli dhe uji”, 5. “Lirikë”, 6. “Dridhjet e barit”, 7. “Atdheu”, 8. ”Erdhëna”, 9. “Arbëreshët”, 10. “Shqipëria”, 11. “Trojet e mia” , 12. “Rogana”, 13. “Heroika”, 14. “Gacat e prushit”, 15. “Atdhetarët”, 16. “Pasha këtë tokë”, 17. “Kanuni poetik”, libri më i vëllimshëm në gjuhën shqipe me poezi, 2 mijë faqe, dhe mbi 23 mijë vargje. Motivet në poezinë e Gecit janë motive të zemrës dhe të shpirtit. Shndërrimi i jetës së jetuar në tekst poetik, është natyrshmëria e të qenit poet. Poezia përfiton shumë nga e bukura, nga dashuria. Rrustem Geci është anëtar i Lidhjes së Shkrimtarëve të Kosovës, prej vitit 1995, dhe është i përfaqësuar në gjashtë Antologji me poezi, dhe në një Antologji për gazetari.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.