Letersia Kombetare: Kasam SHAQIRVELA – PLAGËT TONA

Poezi nga © Kasam SHAQIRVELA

ALBUM PLAGËSH

Dardani ti kënga ime e moçme
Përmendësh e mësuar
Me nota zemre e shkruar
Me zë shpirti e kënduar
Dhe e vajtuar në log burrërish
E përcjellur brez pas brezi
Trashëgim të lënur prej hyjnish
Për të gjallëruar emri i Dardanisë
Ky album plagësh…
Që vjen prej lashtësie
Bardh e zi që i duket njerëzisë.

Ti je dashuria ime hyjnore
Nga Dardani i Zeusit perëndi
Unë rinohem mendimesh prore
E ti plakesh për fillin njerzor në lashtësi.

Ti je korja e bukës për mua
Toka që më ushqen etshëm
Ti je gëzimi e hidhërimi që i dua
Dhe vendi i shenjtë i varrit tim
Ku do të më flejë trupi përjetshëm
Ku brezat e mi do të më kujtojnë
dem baba dem…
Pa e humbur udhën e yllit tim!

Shperndaje ne
Updated: 16 Qershor, 2022 — 06:19

The Author

Kasam SHAQIRVELA

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.