Letërsia Kombëtare: Atdhe Geci – ORFEU I GJILANIT

Atdhe Geci

245 herë Lexuar

Të përgjithëshme

ORFEU I GJILANIT

Qyteti Gjilanit ka formën e kitares

i lashtë sa Parisi, Londra, Brukseli

ai ka disa rrugë ku i mban fjalimet,

për gjindjen e tij të çdoditëshme.

Orfeut të Gjilanit i pëlqen muzika,

i pëlqen dhe melodia e hënës yjore,

ai është kitarist i një qyteti të bukur

Orfeu i Gjilanit është vetiu Gjilani.

Gjilani u bë burrë nëpër tri kohë

e kaluara e tij fshehë shumë histori

Gjilani u lind nëpër 4 lagje pellazge

Orfeun e Gjilanit e duan për kitaren

Poeti i kitares ecë me kitaren e tij

telat e zërit Orfeut ju kanë këputur

thonjtë pa i prerë sa ju kanë rritur

pemët kodrave, shih sa janë rrudhë.

O bir i Afërditës dhe bir i Dardanit

I rrahur nga shiun e stuhi e erërave

Orfeu i Gjilanit në qytet proteston,

po revoltën e tij askush nuk e vë re!

Gjallje e frymës dardane pse heshtë,

gjallje e frymës dardane shtrij hapin,

gjallje frymës së hershme dardane,

këtij qyteti unë ia njoh dëshirat e tij.

Gjilan i sotëm, i kaluar dhe i nesërm,

je frymëzim i ëndrrës e i dëshirave

je frymëzim i lindjeve dhe krijimit

je frymëzim i gjuhës dhe i këngëve.

Gjilan, ti burrë u bëre nëpër tri kohë

dhe nëpër tri epoka u ngrite këtej.

Orfe, i tëri je prej zemrës së verës,

Jona, ndjejë stuhi tek puthem me ty,

Orfeu i Gjilanit, Lagja e pellazgëve!…

Atdhe Geci – Gjilan, 2022

The Author

Atdhe Geci

Rrustem Geci është një poet i njohur. Ai u lind në Roganë të Dardanës. Mësimet e para i bëri në vendlindje, kurse shkollën e mesme e kreu në Gjilan dhe Dardanë. Rrusta u kulturua më tej në Universitetin e Prishtinës, në Fakultetin Ekonomik. Rrustem Geci 15 vjet ishte gazetar, në Radio Televizionin e Prishtinës. Ndërsa pas mbylljes së RTP-së nga regjimi fashistoid serbian ai mërgon në Dortmund të Gjermanisë, ku edhe tani jeton e vepron. Deri më tash ka shkruar dhe botuar 17 vepra; 1. “Demonstratat e luleve”, 2. “Antolologjia personale" 3. “Jeta në Letër”, 4. ”Mielli dhe uji”, 5. “Lirikë”, 6. “Dridhjet e barit”, 7. “Atdheu”, 8. ”Erdhëna”, 9. “Arbëreshët”, 10. “Shqipëria”, 11. “Trojet e mia” , 12. “Rogana”, 13. “Heroika”, 14. “Gacat e prushit”, 15. “Atdhetarët”, 16. “Pasha këtë tokë”, 17. “Kanuni poetik”, libri më i vëllimshëm në gjuhën shqipe me poezi, 2 mijë faqe, dhe mbi 23 mijë vargje. Motivet në poezinë e Gecit janë motive të zemrës dhe të shpirtit. Shndërrimi i jetës së jetuar në tekst poetik, është natyrshmëria e të qenit poet. Poezia përfiton shumë nga e bukura, nga dashuria. Rrustem Geci është anëtar i Lidhjes së Shkrimtarëve të Kosovës, prej vitit 1995, dhe është i përfaqësuar në gjashtë Antologji me poezi, dhe në një Antologji për gazetari.

Lini një Përgjigje Anuloje përgjigjen

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.