Shkruan: Brilant Gashi
A mund të themi se është duke afruar ora për një Shqipëri Natyrale , që t’i ketë të gjitha trojet e veta etnike dhe që të mos të ketë kurrë asnjë përçarje ? A mund të themi në këtë mënyrë tani kështu ?
Trojet tona etnike u ndanë nga Konferenca e Londrës dhe dihet se kjo ndarje e tokave tona stërgjyshore na ka copëtuar të gjithëve edhe fizikisht , shpirtërisht dhe psiqikisht , pa marrë parasysh se në cilën anë i ka dëmtuar shqiptarët .
“Nëse i kemi rrënjët nga Azia , atëherë le të kthehemi andej” – thotë i madhi dhe i papërsëritshmi Ismail Kadare , dhe kjo gjë që ka thënë ai është e vërtet sepse nëse në të vërtet rrënjët i “kemi” nga Arabia , Turqia ose Azia , atëherë çfarë kemi të bëjmë e të presim në këto toka , ashtu siç jemi shprëngulur me dhunë nga Kosova jonë nga çetnikët barbar edhe ne ashtu le t’i mbartim plaçkat dhe të nisemi për udhë .
“Shqiptari është në gjendje t’i ndezë një qiri djallit sapo zhgënjehet me zotin” – Fan S. Noli
Unë nuk kam jetuar në kohën e artë të Fan Nolit nëse mundemi t’a quajmë kështu , por kam lindur një vit pasi mbaroi lufta e përgjakshme në Kosovë , në atë moment kur Kosova jonë zuri të qetësohej së pikuari gjakë lirie të dëshmorëve që luftuan për liri dhe pavarsi të vendit tonë të bekuar .
Lufta e UÇK-së nuk ishte luftë fetare siç thonë disa të paditur dhe të papjekur , që as dy lidhje me historinë e popullit tonë nuk i kanë por ajo luftë ishte luftë çlirimtare për ideal dhe çlirim të pastër Kombëtar dhe jo për një fe të caktuar që i’a ka imponuar zoti ose vet armiku .
Historia e popullit tonë është serumi i së vërtetës se çka në të vërtet ka ndodhur me ne shqiptarët gjatë gjithë kohës sa ne ishim në të vërtet nën pushtimin e njëpasnjëshëm , që nuk mund të numërohen edhe mësimi i historisë së vet popullit tonë është labirinti ku ne duhet të hyjmë dhe të mësojmë gjëra prej tij , dhe jo të hyjmë dhe të dalim pa mësuar asnjë gjë fare të vogël , të paktën shpalljen e Pavarsisë së Shqipërisë Etnike .
Por çfarë do që të ndodhë , besimi i çdo shqiptari për një Shqipëri të Bashkuar vetëm ora e saj , veç sa ka arritur dhe pritet të vijë nga çasti në çast sepse ka ardhur koha jonë për t’u bashkuar dhe jo për të jetuar edhe një minutë të vetëm , të ndarë .
