Letersi Kombetare: Atdhe Geci- RECITAL I SHKODRËS

Atdhe Geci

150 herë Lexuar

Arti dhe Kultura Kombetare, Letërsia Kombëtare

RECITAL I SHKODRËS

Mendja e muza e ushqejnë me gjak poezinë

i japin frymëzim poetik për më të dashurën

i japin imagjinatë rendjeve të vargut poetik

i japin ëndje idesë të vetëdijes të qytetarit.

Forcë janë këngët e përroit, lumit dhe detit

forcë janë emocionet që kanë fuqinë e fjalës

ajo zhurmë midis resh nuk është festë shiu

por luftë e kohës sonë, një luftë pa të zotin!…

Në momentet më drithëruese të atdheut tim

ca këngë për ëmbëlsira përplasen mes veti

jemi ngritje e vazhdueshme e gjakut që na

lindi, jem djepi i përjetësisë pa kohë e datë

O tokë pellazge e ilirit, dardanit dhe Epirit

katër Molla të kuqe i ka Shqipëria e sotme

një shqiponjë e vetme e mbikëqyrë atdheun

katër dialekte republikë është gjuha shqipe

Tokë e atdheut e mbjellë me të ardhmen

a më rrëfen ëndrrën e pjesëve të pushtuara

dhe durimin që mund ta bartim nëpër kohë

Ti, ne s´jemi vetëm, kemi dhe të vdekshmit.

Atdhe Geci

The Author

Atdhe Geci

Rrustem Geci është një poet i njohur. Ai u lind në Roganë të Dardanës. Mësimet e para i bëri në vendlindje, kurse shkollën e mesme e kreu në Gjilan dhe Dardanë. Rrusta u kulturua më tej në Universitetin e Prishtinës, në Fakultetin Ekonomik. Rrustem Geci 15 vjet ishte gazetar, në Radio Televizionin e Prishtinës. Ndërsa pas mbylljes së RTP-së nga regjimi fashistoid serbian ai mërgon në Dortmund të Gjermanisë, ku edhe tani jeton e vepron. Deri më tash ka shkruar dhe botuar 17 vepra; 1. “Demonstratat e luleve”, 2. “Antolologjia personale" 3. “Jeta në Letër”, 4. ”Mielli dhe uji”, 5. “Lirikë”, 6. “Dridhjet e barit”, 7. “Atdheu”, 8. ”Erdhëna”, 9. “Arbëreshët”, 10. “Shqipëria”, 11. “Trojet e mia” , 12. “Rogana”, 13. “Heroika”, 14. “Gacat e prushit”, 15. “Atdhetarët”, 16. “Pasha këtë tokë”, 17. “Kanuni poetik”, libri më i vëllimshëm në gjuhën shqipe me poezi, 2 mijë faqe, dhe mbi 23 mijë vargje. Motivet në poezinë e Gecit janë motive të zemrës dhe të shpirtit. Shndërrimi i jetës së jetuar në tekst poetik, është natyrshmëria e të qenit poet. Poezia përfiton shumë nga e bukura, nga dashuria. Rrustem Geci është anëtar i Lidhjes së Shkrimtarëve të Kosovës, prej vitit 1995, dhe është i përfaqësuar në gjashtë Antologji me poezi, dhe në një Antologji për gazetari.

Lini një Përgjigje Anuloje përgjigjen

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.