DRITË E METEORËVE
(Dëshmorëve, Shefki A. Kuleta e Shaban B.Avdiu)
Nëpër vargjet e thurura të poetëve
E n’pikturat e bukura të piktorëve
Vezullojnë fytyrat e dëshmorëve
Ndrit kudo dritë e meteorëve
E ne sot u vëjmë lule në lapiarë
Me besa besë për Ribashkim Kombëtar
Tufa lulesh të freskëta gjatë viteve
Vendosim përherë mbi krahët e Shqipeve
Që gjatë stuhish rrebeshesh dhe furtunash
Kaluar kanë mbi rafale plumbash
E sot emrat e dëshmorëve tanë
Ty, Atdhe i dashur hije po të kanë
Të skalitur në faqet kombëtare të historisë
Si gjerdan lirie në ballë të Shqipërisë