ASHTU SIÇ NUK E DOJA
E…kotë,..
Në kthimin tim
Të shumpritur
Për t’u gëzuar,
Nuk më priste Djelli
Si më parë
Dhe u mërzita fort
Se të gjeta të shkretuar
Ashtu si nuk e doja
Të të shoh kurrë…
Çati të rëna…
Me bedena të thyer
Oxhaqesh të tymosura
Nga vatra të fikura
Në djegien e pasosur
Magje përmbys të kthyera
Kushedi me sa mynxyra
Nga bukëshkalët…dhe
Sa shpresa të thyera
Përherë për ne,
Të përvalët…
Me sagën e gjatë…
Hedhur përmbi shpinë
Aq sa e kishte bërë loja
Për lirinë e prangosur
Në shenjë feste tek ne
Qëkur na bëhet ploja
Mes nesh, ne të inatosur!
Përse vallë..?
Kujt t’ia lëmë,
Trashëgim hasmëritë… dhe
Krimbat që po na e hanë palcën?!
© Kasam ShAQIRVELA
