Shkruan : Brilant Gashi
Nuk kam folur një kohë të gjatë me atdheun sepse nuk doja , që t’a ndërpreja në vendime e rrezikshme , që ishin në të mirë të saj . Nuk doja , që me fjalët e mia të i’a vështirësoja punët këtij kombi , që jam krenar që i përkas .
A ishte bota shqiptare në dritë ? Ndonjëherë besoj se ishte në dritë , por ajo që shkëlqente tek kombi ynë , zgjaste vetëm pak dhe menjëherë pas dritës , një errësirë e madhe e kaploi këtë komb dhe këtë popull .
Kush ishte dhe prej nga vinte ajo errësirë e madhe , që për më shumë se 5 shekuj , e mbërtheu kombin shqiptar ? Sigurisht që ishte Perandoria Osmane dhe gjithashtu edhe Serbia , Mali i Zi dhe Greqia për shekuj të tërë .
Për 25 vjet , sa Gjergj Kastrioti e udhëhoqi Shqipërinë , një dritë e madhe rrezatonte tek populli sa edhe mund të thoshe se edhe Shqipëria e arriti pavarësinë e saj të shumë pritur dhe u largua nga hordhitë otomane . Por jo , nuk ndodhi kështu dhe errësira u kthye përsëri në trojet shqiptare pas vdekjes së Skënderbeut . Ai na duhej në kohën më të vështirë . Por perëndia e mori afër vetes !
Kjo errësirë e madhe nuk na lejoi shkollimin në gjuhën shqipe , e cila ishte elementi primar , për popullin tonë , por është një element i rëndësishëm edhe për popujt dhe kombet e tjera . Këtë e bëri , që të na asimilonte më lehtë duke konvertuar shqiptarët e vesimit katolik në myslimanë me qëllim , që të asimilohej popullsia autoktone .
Kjo errësirë , njëherë e mirë duhet të hiqej nga faqja e dheut edhe pse për një komb si ne , që kishte varfëri , do të ishte e vështirë dhe me të vërtet , ishte një gjë me të vërtet shumë e vështirë të shpallej pavarësia e lavdishme e Shqipërisë më 28 nëntor 1912 , në këtë vit u shpall mëvetësia e Shqypnisë dhe u largua errësira 5 shekullore nga trojet shqiptare , por ajo u largua vetëm nga nëna Shqipëria .
Kurse në Kosovë dhe në trojet e tjera , një errësirë u largua dhe një tjetër më e tmerrshme e përfshiu këtë trevë për 1 shekull të tërë .
Erdhi e ashtuquajtura errësira serbe . e cila shkaktoi shumë dëme në Kosovën tonë , dëme të mëdha , deri në vitin 1999 më 12 qershor kur Amerika na shpëtoi nga mizoritë serbe njëherë e përgjithmonë . Sa masakra , sa gjaku i derdhur i shqiptarëve të pafajshëm . Ndonjëherë e mallkoj veten dhe them se pse i ndodhi kjo vetëm shqiptarëve ? Me të vërtet një histori e dhimbshme .
Në katër stinët e vitit , secila është më e mirë se tjetra dhe e ka dritën e vet që shkëlqen . Për të gjithë popujt ka dritë , vetëm për një ka vetëm errësirë . Më duket se kjo errësirë vetëm e ka kapluar kombin shqiptar , jemi zhytur thellë në baltën e errësirës së tepërt , dhe nëse ka dritë për ne , me siguri ne do të verbohemi sepse pas errësirës , drita e tepërt e gjitha të verbon . Kjo do të thotë se edhe mira për ne , është një helmë .
Lakmia e tepërt , arsimimi i keq dhe udhëheqja e vendit nga të pashkollët dhe të pa arsimuarit , na kanë sjellur në këtë errësirë ku jemi tani . Jemi duke jetuar me një shpresë të madhe se në këtë tokë tonën , do të bëhet më mirë , por populli duhet t’a dijë se të qëndruarit në kafene dhe të mos-bërit asgjë për komb , nuk do të na sjellë asgjë të mirë dhe do të na sjellë vetëm të këqija .
Oj botë shqiptare , në çfarë gjendje je të thotë nëna Shqipëri ? Je më mirë apo je akoma në një gjendje të mjerueshme e të tmerrshme siç ke qenë gjatë gjithë historisë tënde ? Zot , jepi këtij kombi më të mirën që e dëshiron dhe mundësoja bashkimin kombëtar .
