Shkruan : Brilant Gashi
“Do të vijë një kohë kur dollia do të fillojë me këto fjalë : Mos e pifshim këtë gotë në mos u bashkofshim me Kosovën” – thoshte i madhi letërsisë shqipe Lasgush Poradeci , që padyshim nga këto fjalë që për disa shqiptar i’a rrënqeth mishin , ai padyshim donte bashkimin historik të Kosovës me Shqipërinë , që jetojnë të ndarë pa e parë me sy njëra-tjetrën .
Kosova jonë , Kosova e trimave tanë sikur të ishte e bashkuar me nënën Shqipëri do të realizohej qëllimi i parë për realizimin e ëndrrës për t’a bërë Shqipërinë etnike që me këtë emër dhe njihet në histori .
Padyshim që meritat më të mëdhaja për Pavarsinë e Shqipërisë të 28 nëntorit të vitit 1912 i ka toka e quajtur Kosovë që në histori ka pasur një barrë të rëndë dhe pushtues që shkonin e vinin përsëri .
Pushtuesi që më së shumti na ka pikuar gjakin tonë është shteti i sotëm i Serbisë që po bën të pamundurën që ne mos të ecim përpara duke thënë “Kosovo i Metohije” dhe këto fjalë i thone pa asnjë pikë turpi dhe vetëm ëndërrojnë se si ta vjedhin historinë tonë .
Në kohën e ilirëve kjo tokë është quajtur “Mbretëria Dardane” dhe emri i saj ishte Dardani , që ishte e pavarur sepse në atë kohë Ballkani quhej Gadishulli Ilirik dhe jo si sot që quhet Gadishulli Ballkanik ku sllavët kanë zënë vendet e tyre dhe ndërtuan shtëpitë e tyre në tokat që për ta janë të huaja .
“Kush është i marrë të qëndrojë në mal kur këtu e gjithandej është tokë etnikisht e pastër shqiptare ? Këtu nuk mban mend askush që ka pasur serbë ndonjëherë . Prej ilirëve dhe para ilirëve pellazgëve ; Qysh kur dielli e nxeh këtë tokë ne jemi këtu . Serbët kanë ardhur bre më 28 – shin … më 1928 kanë ardhur ! Nuk ka pasur kurrë më parë , Ata rrejnë , ata e bëjnë historinë qysh u konvenon atyre” – thoshte heroi i Dardanisë Hamzë Jashari , sepse sllavët janë të ardhur në Iliri dhe historia nuk mund të gënjejë sepse fuqia e saj është shumë e madhe .
Për vjet të tëra shqiptarëve të Kosovës nuk i’u lejohej që të shkolloheshin në gjuhën e tyre amtare dhe në gjuhën e mëmës së tyre . Nga serbët kërkohej vetëm spastrimi etnik i popullsisë shqiptare të Kosovës dhe asimilimi i tyre me dhunë duke bërë që t’a harrojnë gjuhën e mëmës së tyre .
“Shqipëria pa Kosovën nuk mund të quhet Shqipëri” – e thoshte Isa Boletini . Për vite të tëra pushtim nga sunduesit osman , nga sllavët e çdo lloji dhe të çdo soji , që nuk lejuan shkollimin dhe arsimimin e fëmijëve në Dardani . Atdhetar shqiptar donin që të sillnin libra shqip nga Shqipëria në mënyrë ilegale por nuk mundnin sepse ndryshe do të vriteshin nga serbët .
1999 viti më i zi për popullin tonë të shenjtë , viti i shprënguljeve , viti i masakrimeve dhe i robërisë që e kanë përjetuar të gjitha gjeneratat e këtij viti dhe te gjitha këto gjenerata e dinë se çka ka ndodhur në atë kohë me gurë për shqiptarët . Na shpëtuan ushtarët tanë shqiptar dhe më së shumti na shpëtoi Amerika që i qofshim falë këtij vendi . Ndjenja që e kam ndjerë veten për çlirimin e tokave shqiptare të Kosovës është e shkruar diku në letër që ndoshta do t’i them ndonjëherë .
