Atdhe Geci: MONOLOG I ADEM JASHARIT

MONOLOG I ADEM JASHARIT
Kosovë, dita e arbërorëve ka për të aguar
shtëpia ime e di udhën sesi bëhemi të lirë
shtypja këputet prej s´trashi thotë populli
e kaluara na la shumë çështje të pakryera
mbi gjysmën e atdheut e kemi t`pushtuar.
pyes, si ta shoh kështu Kosovën dardane,
në shtetrrethim,n`arrest, dhe të plagosur!
Shtëpia  me  njerëz  shumë është sulmuar
sovraniteti  etnik  i shtëptisë do përgjigjet
luftën me asnjë çmim nuk  do  ta humbim,
përderisa të ketë njerëz, armë  dhe  barut.
Trima, jam  lindur  ditën  e  flamurit, ditën
e  lindjes  së tij, ditën  e festës së flamurit
kjo është arsyeja që  e  kam hijen e burrit.
Kosovë,  një  zë  më  vjen nga  toka ,  më
vjen të kryengritem, shtëpia  s`dorëzohet,
Serbia, do ta kuptoj s´e këtu është e huaj.
Nënë, babë Shaban, Hamëz dhe xha Rifat,
shtëpia  me  njerëz shumë do të qëndrojë,
nuk nënshtrohemi. Vendbanimi  ynë  toka,
janë ëndrra dhe vullneti ynë  për  pavarësi.
Grusht, por dhe plumb  atij  që  vret dhe i
ndjek djemtë tanë. Kosovë  e  kohës sonë
larg nga dilemat  si  ti përgjigjemi armikut.
Trima, lëvizeni frymën e UÇK-së  për  luftë
shtëpisë me shumë njerëz  nuk  dorëzohet
UÇK-ja, trimja e të gjithë neve  ju  fton, të
mblidheni, të bashkoheni, të  kryengriteni!
Unë besoj te lufta dhe, besoj  tek dhimbja,
ndonjëherë pyes, sa armiq vduhet ti vrasin
këto duar, që serbi ta kuptoj se në Kosovë
është i huaj! Është pushtues! Është armik!
 
 
Atdhe Geci – poezi nga dorëshkrimet, 1997
Shperndaje ne
Updated: 11 Qershor, 2022 — 05:37

The Author

Atdhe Geci

Rrustem Geci është një poet i njohur. Ai u lind në Roganë të Dardanës. Mësimet e para i bëri në vendlindje, kurse shkollën e mesme e kreu në Gjilan dhe Dardanë. Rrusta u kulturua më tej në Universitetin e Prishtinës, në Fakultetin Ekonomik. Rrustem Geci 15 vjet ishte gazetar, në Radio Televizionin e Prishtinës. Ndërsa pas mbylljes së RTP-së nga regjimi fashistoid serbian ai mërgon në Dortmund të Gjermanisë, ku edhe tani jeton e vepron. Deri më tash ka shkruar dhe botuar 17 vepra; 1. “Demonstratat e luleve”, 2. “Antolologjia personale" 3. “Jeta në Letër”, 4. ”Mielli dhe uji”, 5. “Lirikë”, 6. “Dridhjet e barit”, 7. “Atdheu”, 8. ”Erdhëna”, 9. “Arbëreshët”, 10. “Shqipëria”, 11. “Trojet e mia” , 12. “Rogana”, 13. “Heroika”, 14. “Gacat e prushit”, 15. “Atdhetarët”, 16. “Pasha këtë tokë”, 17. “Kanuni poetik”, libri më i vëllimshëm në gjuhën shqipe me poezi, 2 mijë faqe, dhe mbi 23 mijë vargje. Motivet në poezinë e Gecit janë motive të zemrës dhe të shpirtit. Shndërrimi i jetës së jetuar në tekst poetik, është natyrshmëria e të qenit poet. Poezia përfiton shumë nga e bukura, nga dashuria. Rrustem Geci është anëtar i Lidhjes së Shkrimtarëve të Kosovës, prej vitit 1995, dhe është i përfaqësuar në gjashtë Antologji me poezi, dhe në një Antologji për gazetari.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.